Gujarati News

અમદાવાદમાં આવેલી શારદાબેન હોસ્પિટલમાં  સારવાર લઇ રહેલા દર્દીના સગા જ્યારે દર્દીની પાસે બેઠા હતા ત્યારે અચાનક પંખો નીચે પડ્યો હતો. આ ઘટનામાં દર્દીના સગાને નાની મોટી ઈજાઓ થવા પામી હતી.

                અમદાવાદમાં આવેલી શારદાબેન હોસ્પિટલના મહિલા વોર્ડમાં અબરાનાબાનુ અને સંગીતા પટેલ નામની બે મહિલાઓને દાખલ કરવામાં આવી હતી, જ્યારે આ મહિલા દાખલ થઇ હતી ત્યારથી એટલે કે, ચાર દિવસથી દર્દીના પરિવારજનોએ હોસ્પિટલ તંત્રને જણાવ્યું હતું કે, જ્યારે પંખો શરૂ કરવામાં આવે છે ત્યારે તેમાંથી આવાજ આવે છે. દર્દીના પરિવારજનોની આ વાતને હોસ્પિટલના તંત્રએ ગણકારી નહોતી અને પંખો સમયસર રીપેર ન થતા પંખો જમીન પર પડ્યો હતો.

               મહિલા વોર્ડના બેડ નંબર 15 અને 16ની વચ્ચે આવેલી પંખો પડવાની ઘટનામાં મહિલા દર્દીના પતિને નાની મોટી ઈજાઓ થવા પામી હતી. હોસ્પિટલના તંત્રની આ પ્રકારની બેદરકારીના કારણે હોસ્પિટલમાં સારવાર લેવા માટે જતા દર્દીઓના પરિવારજનોની સુરક્ષા પર સવાલો ઉઠી રહ્યા છે.