Gujarati News

અમદાવાદઃ શહેરની ખાસ પોક્સો કોર્ટે સૃષ્ટી વિરુદ્ધનું કૃત્ય આચરવાના ગુનામાં જેલમાં રહેલા બે સગીર આરોપીને જામીન આપ્યા પણ બંને આરોપીની માતા સામે એક ખાસ શરત રાખી છે. મોબાઇલમાં પોર્ન જોઈ જોઈને ભાન ભૂલેલા બંને સગીરોએ પડોશમાં રહેતા 5 વર્ષના બાળક પર ગુનાહિત કૃત્ય આચર્યું હતું. જે બાદ બંનેને ખાનપુર રીમાન્ડ હોમ ખાતે મોકલી દેવામાં આવ્યા હતા.

સમગ્ર કેસની તપાસ કરતા અધિકારીએ પોતાના રિપોર્ટમાં લખ્યું હતું કે આરોપીઓ પૈકી એક 16 વર્ષીય સગીરના પિતાનું અવસાન થઈ ગયું હોવાથી તેનો ઉછેર અને સંભાળ યોગ્ય રીતે થઈ નહોતી જેના કારણે તે ખૂબ જ નાની ઉંમરમાં મોબાઈલ ફોન દ્વારા ઇન્ટરનેટ અને ફિલ્મો જોવાના રવાડે ચડી ગયો હતો. જેના કારણે તે આ દુષ્કર્મ કરવા માટે પ્રેરાયો હતો.

જ્યારે બીજા 14 વર્ષના ગુનેગાર અંગે કહ્યું કહે તે પોતના મિત્રો સાથે વધારે અને ઘરમાં ઓછો રહે છે. જેમની સાથે રહીને તેને મોબાઇલની લત લાગી છે. અને મિત્રો સાથે મળી સતત ઇન્ટરનેટ સર્ફ કરતો આ સગીર પણ ઓનલાઈન મળી જતા અભદ્ર કન્ટેન્ટના પ્રભાવમાં આવી ન કરવાનું કામ કરી બેઠો છે. જોકે બંને આરોપીને હવે ઇન્ટરનેટ પર આ પ્રકારના વીડિયો જોવાની લત લાગી ગઈ છે. જેથી તપાસ અધિકારીએ પોતના રિપોર્ટમાં કહ્યું કે, ‘બંને બાળકોના ભલા માટે તેમનું ખૂબ જ ઉંડાણપૂર્વક અને વધુ સમય માટે કાઉન્સેલિંગ કરવું પડશે.’

તપાસ અધિકારીના રિપોર્ટ જોયા બાદ જુલાઈ માસમાં જુવેનાઈ બોર્ડે બંને સગીરોની જામીન અરજી નકારી કાઢી હતી. જોકે ત્યાર બાદ સેશન કોર્ટે જુવેનાઈલ એક્ટમાં આપવામાં આવેલ કલમ મુજબ બંને બાળકોના વ્યવહારમાં સુધાર લાવવા અને આરોપીને કસ્ટડીમાં રાખવા અંગેના નિયમથી અહીં કોઈ સમાધાન મળતું નથી. માટે બંને બાળકોને જામીન આપવા જોઈએ પણ તેમની માતાઓ પર શરતો મુકવી જોઈએ.

કોર્ટે જામીન મંજૂર કરતા કહ્યું કે, ‘બંને સગીરોની માતાએ બંનેના અભ્યાસ અને ઉચ્ચ જીવનમૂલ્યો સાથેના જીવન ઘડતર અંગ ધ્યાન રાખવું પડશે. આ સાથે તેમની તમામ જવાબાદારી લેતા બાળકો શું કરી રહ્યા છે તેની તમામ એક્ટિવિટી પર ધ્યાન રાખવાની ફરજ માતાની છે. આ સાથે જ કોર્ટે તપાસ અધિકારીને પણ આદેશ આપ્યા કે બંને સગીરને ભલે જામીન મળી ગયા હોય પણ અધિકારીઓએ દરેક 15 દિવસે સગીરોના ઘરે જવું અને તપાસ કરવી કે શું તઓ ફરી કોઈ આવી ગુનાહિત પ્રવૃત્તિમાં સંકળાયા રહ્યા નથી ને અને આ અંગેનો રિપોર્ટ નિયમિત રુપે બોર્ડને સોંપવા માટે કહેવામાં આવ્યું છે.