Gujarati News

Gujarati News

News of Sunday, 9th August 2020

અમદાવાદ : શ્રેય હોસ્પિટલમાં પોઝીટીવ દર્દીઓને બચાવવા ગયેલાં ફાયરના જવાનોનો રિપોર્ટ નેગેટીવ

એડીશનલ ચીફ ફાયર ઓફીસર રાજેશ ભટ્ટ સહિત 33 ફાયર જવાનોના એન્ટિજન ટેસ્ટ કરાયા

અમદાવાદ: દેશભરમાં ચકચાર જગાવનારી નવરંગપુરા સ્થિત શ્રેય હોસ્પિટલમાં આગ ભભૂકી હતી. આ આગની ઘટનામાં દર્દીઓની વ્હારે પહોંચી ગયેલી પોલીસ હોમ કવોરોન્ટાઇન થઇ ગઇ છે. જયારે ફાયર જવાનોને અવિરતપણે તેમની કામગીરી ચાલુ રાખવાનો હુક્મ કરવામાં આવ્યો હતો. એડીશનલ ચીફ ફાયર ઓફીસર રાજેશ ભટ્ટ સહિત 33 ફાયર જવાનોના આજે 48 કલાક બાદ એન્ટીજન ટેસ્ટ કરાવવામાં આવ્યા હતા. તમામ લોકોના ટેસ્ટ નેગેટીવ આવ્યા હોવાનું જાણવા મળ્યું છે.

નવરંગપુરા સ્થિત શ્રેય હોસ્પિટલમાં કોવિડ 19 દર્દીઓને રાખવામાં આવ્યા હતા. આ હોસ્પિટલમાં વહેલી પરોઢે એકાએક આગ ભભૂકી ઉઠી હતી. આ ઘટનાની જાણ થતાં જ ફાયરબ્રિગ્રેડ તથા પોલીસના જવાનો ત્યાં દોડી ગયા હતા. ફાયરના જવાનોએ આગ બુઝાવવાની કામગીરી હાથ ધરીને દર્દીઓને બચાવવાની પ્રક્રિયા હાથ ધરી હતી. ત્યારે ચીસાચીસ અને બૂમાબૂમ સાંભળીને પોલીસ પણ હોસ્પિટલમાં દોડી ગઈ હતી અને બાકીના દર્દીઓને બહાર કાઢવાની કામગીરી શરૂ કરી હતી.

(11:44 pm IST)
  • દ્ધારકામાં વધુ એક કોરોના પોઝીટીવ :નરસંગ ટેકરી વિસ્તારમા રહેતા 39 વર્ષીય સિંકદરખાન અબ્દુલ સતાર શેખનો રિપોર્ટ પોઝીટીવ access_time 8:20 pm IST

  • કેન્દ્રીય પ્રધાન અર્જુન રામ મેઘવાલને કોરોના પોઝિટિવ :ચિંતાની લાગણી. તેમને એઈમ્સના પ્રાઇવેટ ટ્રોમા સેન્ટરમાં દાખલ કરવામાં આવ્યા છે. તેઓ ભારે ઉદ્યોગના રાજ્યકક્ષાના કેન્દ્રીય મંત્રી છે. ડોક્ટર નીરજ નિશ્ચલ સારવાર કરી રહ્યા છે. તેમણે જાતે ટ્વીટ કરીને વિગતો આપી તેમને કોરોનાના હળવા લક્ષણ છે અને તબિયત સારી છે. access_time 11:26 pm IST

  • ભારતીય હોકી ટીમને મોટો આંચકો : કેપ્ટન મનપ્રીત સહિત ચાર ખેલાડીને કોરોના પોઝિટિવ : નેશનલ હોકી કેમ્પમાં હાજર થયેલા ૧૦ ખેલાડીઓનું પરીક્ષણ કરાવ્યું, જેમાં આ ચાર પોઝિટિવ આવ્યા access_time 3:20 pm IST