Gujarati News

Gujarati News

News of Saturday, 8th June 2019

અમદાવાદમાં ગર્ભવતી મહિલાને બંધક બનાવી 4 લાખની લૂંટ કરનાર ગેંગનો મુખ્ય સૂત્રધાર ઉત્તરાખંડથી ઝડપાયો

ટોળકીએ હરિયાણા, રાજસ્થાન, પંજાબ, યુપી, દિલ્હી, ઉત્તરાખંડ અને ગુજરાત રાજયમાં લૂંટ કરીને આંતક મચાવ્યો

 

અમદાવાદના ચાંદખેડામાં ગર્ભવતી મહિલાને બંધક બનાવીને 4 લાખની લૂંટ કરનાર આતંરરાજય ટોળકીના મુખ્ય સૂત્રધારની ક્રાઈમ બ્રાંચે ઉત્તરાખંડથી ધરપકડ કરી છે.

  ટોળકીએ હરિયાણા, રાજસ્થાન, પંજાબ, યુપી, દિલ્હી, ઉત્તરાખંડ અને ગુજરાત રાજયમાં લૂંટ કરીને આંતક મચાવ્યો હતો . ક્રાઈમ બ્રાંચે હાલ એક આરોપીને ઝડપી ટોળકીના અન્ય આરોપીની શોધખોળ શરૂ કરી છે

   ઝડપાયેલ  શખ્સનું નામ રણજીત સિંહ ઉર્ફે રાણા ગોરાયા છે  શખ્સ હાઈસ્પીડ બાઈક ચલાવીને ધોળા દિવસે લૂંટ કરી ફરાર થઈ જાય છે.

  અમદાવાદના ચાંદખેડામા આવેલા સુભાષનગરમા આરોપી રણજીત અને તેના 3 સાગરીતો ઘરમા ઘુસ્યાં અને એક ગર્ભવતી મહિલાને છરીની અણીએ બંધક બનાવીને સોના-ચાંદીના દાગીના અને રોકડ સહિત રૂ 4 લાખની લૂંટ ચલાવ  હતી

  દરમ્યાન પરણિતાનો દિયર આવી જતા તેની પર લૂંટારા હુમલો કરી ફરાર થઈ ગયા. બાદમાં ટોળકીને પકડવા ક્રાઈમ બ્રાંચે એક ટીમની રચના કરી.  ત્યારે બાઈકના સીસીટીવી ફુટેજથી ક્રાઈમ બ્રાંચ આરોપી રણજીત સુધી પહોંચી અને ઉત્તરાખંડના રૂષિકેશથી ધરપકડ કરી છે.

(1:15 am IST)
  • સ્કુલ બિલ્ડીંગમાં ભીષણ આગ : શાળા સંચાલકની પત્નિ અને બાળકોના મોત હરિયાણાના ફરીદાબાદ ખાતે ડબુઆ કોલોનીમાં એક પ્રાઈવેટ સ્કુલમાં આજે સવારે ભીષણ આગ ફાટી નીકળતા સ્કુલની ઉપર રહેતા સ્કુલના સંચાલક પરિવારનો ભોગ લેવાયો છે : આ સ્કુલ સંચાલકના બે સંતાનો અને પત્નિ જીવતા સળગી ગયા છે access_time 5:46 pm IST

  • કોર્ટ પટાંગણમાંથી મેભલો રફુચક્કર રાજકોટ કોર્ટના પટાંગણમાંથી ઈભલાનો ભાઈ મેભલો ફરાર થઈ જતાં પોલીસની દોડધામ access_time 5:45 pm IST

  • રાહુલ ફરી આકરા મૂડમાં કોંગ્રેસનું રાષ્ટ્રીય અધ્યક્ષપદ છોડવા મક્કમ બનેલ રાહુલ ગાંધીએ ફરી આગ ઝરતુ નિવેદન કર્યુ છે : તેમણે કહ્યું કે, મોદીની પ્રચાર ઝુંબેશમાં જુઠ્ઠાણા, ઝેર, ધીક્કાર અને દેશના લોકોમાં ભાગલા પડાવવાનું ભરપૂર માત્રામાં સામેલ રહેલ છે access_time 5:47 pm IST