Gujarati News

Gujarati News

News of Saturday, 8th June 2019

ગુજરાતમાં પણ ભીષણ ગરમીથી લોકો પરેશાન : પારો ૪૫થી ઉપર

ડિસા અને સુરેન્દ્રનગરમાં પારો ૪૫થી ઉપર પહોંચી ગયો : અમદાવાદ અને ગાંધીનગરમાં પણ પારો ૪૪થી ઉપર રહેતા લોકો ત્રાહીમામ પોકારી ગયા : ગરમીથી બચવાના તમામ પ્રયાસો : એલર્ટની કરાયેલી જાહેરાત

અમદાવાદ,તા.૭ : અમદાવાદ સહિત રાજ્યમાં ભીષણ ગરમી અકબંધ રહી છે. આજે  રાજ્યના અનેક ભાગોમાં પારો ૪૫થી ઉપર પહોંચી જતા લોકો ત્રાહીમામ પોકારી ગયા હતા. આજે ડીસામાં ૪૫.૧ અને સુરેન્દ્રનગરમાં પારો ૪૫.૩ સુધી પહોંચી ગયો હતો. જનજીવન પણ ભીષણ ગરમીના કારણે ખોરવાઈ ગયું હતું. બપોરના ગાળામાં રસ્તા સુમસામ દેખાયા હતા. રાજ્યના જે ભાગોમાં પારો ૪૪થી ઉપર રહ્યો હતો તેમાં અમદાવાદમાં ૪૪.૨, ગાંધીનગરમાં ૪૪.૮, કંડલા એરપોર્ટ ખાતે ૪૪.૨ અને રાજકોટમાં ૪૪.૨ સુધી તાપમાન પહોંચી ગયું હતું. બીજી બાજુ અગામી બે દિવસ સુધી કોઈ પણ પ્રકારની રાહત મળવાની શક્યતા દેખાઈ રહી નથી. હીટવેવની ચેતવણી પણ ઉત્તર ગુજરાત અને ખાસ કરીને બનાસકાંઠા અને સાબરકાંઠા તેમજ સૌરાષ્ટ્ર-કચ્છના જુદા જુદા ભાગો માટે જારી કરવામાં આવી છે. રાજકોટ, અમરેલી, સુરેન્દ્રનગરમાં ભીષણ ગરમી પડવાની સંકેત દેખાઈ રહ્યા છે. પારો હજુ પણ ઉપર જઈ શકે છે. અમદાવાદમાં પણ યલો એલર્ટની જાહેરાત કરવામાં આવી છે. ચેતાવણીના પરિણામ સ્વરૂપે લોકો બપોરના ગાળાના બહાર નીકળવાનું ટાળી રહ્યા છે. લુ લાગવાના બનાવ પણ વધી રહ્યા છે. આજે લોકો સાવચેતીના પગલારુપે બપોરના ગાળામાં બહાર નિકળ્યા ન હતા જેથી બપોરના ગાળામાં રસ્તાઓ સુમસામ બની ગયા હતા.  કોર્પોરેશન તરફથી કહેવામાં આવ્યું છે કે હાલમાં વાયરલ ઈન્ફેકશન અને ગરમીથી બચવા માટે લોકોએ કામ વગર બપોરના ગાળામાં ઘરથી બહાર નીકળવું જોઈએ નહીં. સાથે સાથે સાથે વધુ પ્રમાણમાં પાણી, છાશ અને પ્રવાહીનું સેવન કરવું જોઈએ. હળવા રંગના સુતરાઉ કપડા પહેરવા અને તડકામાં ફરવાનું ટાળવું જોઈએ. બિનજરૂરીરીતે કામ વગર બહાર ન નિકળવા માટે પણ કહેવામાં આવ્યું છે. બાળકો અને મોટી વયના લોકોને વિશેષ સાવચેતી રાખવા માટે કહેવામાં આવ્યું છે. સૌરાષ્ટ્ર અને ખાસ કરીને રાજકોટ, અમરેલી અને સુરેન્દ્રનગરમાં જોરદાર ગરમીનો અનુભવ લોકો કરી રહ્યા છે. આના કારણે નવજાત શિશુ અને મોટી વયના લોકોને અસર થઇ શકે છે. સાથે સાથે ક્રોનિક રોગ ધરાવતા લોકો માટે પણ ભીષણ ગરમી અને લૂની સ્થિતિ પરેશાની વધારી શકે છે. વધતી જતી ગરમી વચ્ચે શ્વાસની તકલીફ, બેભાન થઇ જવાના બનાવોમાં ઉલ્લેખનીયરીતે વધારો થઇ રહ્યો છે. બપોરના ગાળામાં લોકોની હાલત સૌથી વધારે કફોડી બની છે. ખાસ કરીને ટ્રાફિક સિગ્નલો ઉપર બપોરના ગાળામાં રોકાવવાના લીધે પણ કેટલાક લોકોને મુશ્કેલીનો સામનો કરવો પડી રહ્યો છે. મોટી વયના લોકોને સૌથી વધુ અસર આની અનુભવાઈ છે. આજે અમદાવાદમાં પારો ૪૪.૨ રહ્યો હતો. અમદાવાદ ઉપરાંત ગાંધીનગર, કંડલા એરપોર્ટ, સુરેન્દ્રનગર, અમરેલી, અન્ય અનેક વિસ્તારોમાં પારો ૪૩થી પણ ઉપર રહેતા લોકો મુશ્કેલીમાં દેખાયા હતા.

અમદાવાદ શહેરમાં બપોરના ગાળામાં તીવ્ર ગરમીથી લોકો ભારે પરેશાન દેખાયા હતા. હાલમાં ગરમીનો પ્રકોપ અકબંધ રહે તેવી શક્યતા છે. કેટલાક લોકોએ કહ્યું હતું કે, બપોરના ગાળામાં પારો ૪૫ સુધી પહોંચી ગયો હતો. જોકે હવામાન તરફથી કોઈ વાત કરવામાં આવી નથી. અલબત એલર્ટની જાહેરાત કરવામાં આવી છે.

ક્યાં કેટલું તાપમાન.....

અમદાવાદ, તા. ૭ : અમદાવાદ સહિત રાજ્યભરમાં ગરમીનું પ્રમાણ જોરદારરીતે વધી રહ્યું છે. રાજ્યના જુદા જુદા ભાગોમાં મહત્તમ તાપમાન ક્યાં કેટલું નોંધાયું તે નીચે મુજબ છે.

સ્થળ........................................... મહત્તમ તાપમાન

અમદાવાદ................................................... ૪૪.૨

ડિસા............................................................ ૪૫.૨

ગાંધીનગર................................................... ૪૪.૮

વીવીનગર.......................................................... -

વડોદરા....................................................... ૪૧.૪

સુરત........................................................... ૩૪.૬

વલસાડ....................................................... ૩૩.૯

અમરેલી...................................................... ૪૩.૮

ભાવનગર.................................................... ૩૮.૬

રાજકોટ....................................................... ૪૪.૨

સુરેન્દ્રનગર.................................................. ૪૫.૩

ભુજ............................................................. ૪૪.૨

કંડલા એરપોર્ટ............................................. ૪૪.૨

મહુવા.......................................................... ૩૬.૨

નલિયા........................................................ ૩૬.૮

(8:16 pm IST)
  • એમપીના ચીફ જસ્ટિસ તરીકે રવિશંકર જહાની નિમણૂક:મધ્યપ્રદેશના એક્ટિંગ ચીફ જસ્ટિસ તરીકે કેન્દ્ર સરકારે જસ્ટિસ રવિશંકર જહાની વરણી કરી છે. access_time 12:42 am IST

  • કાર્ડ દ્વારા કેશ-રોકડ રાખવા અને વિડ્રો કરવા ચોક્કસ લિમિટ રખાશે : ફ્રી આર.ટી.જી.એસ અને એન.ઈ.એફ.ટી ની જાહેરાત કર્યા પછી હવે, કાર્ડ ઉપર કેશ-રોકડ રાખવા અને વિડ્રો કરવા માટે ચોક્કસ લિમિટ આવી રહ્યાનું જાણવા મળે છે access_time 12:42 am IST

  • કર્ણાટક કેબીનેટનું ૧૨ જુન બુધવારે વિસ્તરણ થશે : આગામી ૧૨ જુનના રોજ કર્ણાટકની જેડીએસ કોંગ્રેસ સરકારનું વિસ્તરણ થશે. ૧૨ જુને સવારે ૧૧ાા વાગે મુખ્યમંત્રી કુમારસ્વામી ગવર્નરને મળશે. ધારાસભ્યોમાં પ્રવર્તમાન અસંતોષ ડામવા આ પગલુ ભરાઇ રહયાનું મનાય છે. access_time 3:37 pm IST