Gujarati News

Gujarati News

News of Friday, 8th June 2018

નવસારીમાં લગ્નપ્રસંગમાં બંધ મકાનને નિશાન બનાવી તસ્કરોએ 1.65 લાખની મતાનો હાથફેરો કર્યો

નવસારી: નવસારીમાં લગ્નપ્રસંગમાં ગયેલા પરિવારના બંધ મકાનને નિશાન બનાવી તસ્કરો ચાંદીના દાગીના મળી કુલ રૃ. ૧.૬૫ લાખની મત્તાનો હાથફેરો કરી ગયા હતા. વિગત મુજબ નવસારી ભેંસતખાડા, રીંગરોડની બાજુમાં હનીન હેરીટેજ એપાર્ટમેન્ટમાં રહેતા સાયરાબાનુ સઇદહુસેન ફતુવાલા (ઉ.વ. ૫૦) ગઇ તા. ૨૫-૪-૧૮ના રોજ પરિવાર સાથે સુરત ખાતે પોતાની બહેનને ત્યાં લગ્નપ્રસંગમાં ગયા હતા. લગ્નપ્રસંગમાં હાજરી આપ્યા બાદ તેમના પતિની તબિયત બગડતા તેઓ સુરત ખાતે જ સારવાર અર્થે રોકાયા હતા. દરમ્યાન તેમના બંધ મકાનને કોઇ જાણભેદુ તસ્કરોએ નિશાન બનાવી દરવાજાને મારેલું તાળું તોડી ઘરમાં પ્રવેશી ગયા હતા. બેડરૃમમાં મુકેલા કબાટનો દરવાજો ખોલી તેમાં મુકેલ તિજોરીના ખાનાની ચાવી વડે તિજોરી ખોલી તેમાંથી અનાજ ભરવાના પીપની ચાવી લઇ પીપ ખોલી તેમાં સ્ટીલનાં ડબ્બામાં મુકેલા સોનાના આઠ તોલા વજનનાં દાગીના તથા ચાંદીના દાગીના કિંમત રૃ. ૫ હજારના મળી કુલ રૃ. ૧.૬૫ લાખની મત્તા પર હાથફેરો કરી ગયા હતા.
 

(6:10 pm IST)
  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST

  • રાહુલ ગાંધી અને તેજસ્વી યાદવ વચ્ચે દિલ્હીમાં મુલાકાત :બંને નેતાઓ વચ્ચે 40 મિનિટ સુધી ચર્ચા : બંનેની મિટિંગમાં બિહારમાં મહાગઠબંધન વધુ મજબૂત કરવા અને 2019ની લોકસભા ચૂંટણીમાં જબર લડત આપવા વિચારણા access_time 1:20 am IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST