Gujarati News

Gujarati News

News of Friday, 8th June 2018

અધિક કલેકટર એચ.જે. પારેખે છત્તીસગઢ અને એન.ડી. પરમારે મધ્યપ્રદેશમાં ચૂંટણીની તાલીમ આપી

રાજકોટ, તા. ૮ :. કેન્દ્રીય ચૂંટણી પંચ દ્વારા ગુજરાતના જી.એ.એસ. કેડરના અધિક કલેકટર કક્ષાના બે અધિકારીઓની માસ્ટર ટ્રેનર તરીકે પસંદગી થતા બન્નેએ જયાં નજીકના ભવિષ્યમાં ધારાસભાની ચૂંટણી આવી રહી છે. તે રાજ્યમાં જઈ ત્યાંના ચૂંટણી અધિકારીઓ અને અધિક ચૂંટણી અધિકારીઓને તાલીમ આપી હતી. ગુજરાત જાહેર સેવા આયોગમાં સંયુકત સચિવ તરીકે ફરજ બજાવતા શ્રી એચ.જે. પારેખ (મો. ૯૯૭૮૪ ૦૫૨૩૨) એ છતીસગઢમાં અને ચૂંટણી પંચની ગુજરાતની કચેરીમાં ફરજ બજાવતા શ્રી એન.ડી. પરમારે (મો. ૯૯૨૫૩ ૧૦૭૭૯) મધ્યપ્રદેશ લઈ તાલીમ આપી છે.

ચૂંટણી પંચ દ્વારા અનુભવ અને આવડતને ધ્યાને રાખીને દરેક રાજ્યમાં માસ્ટર ટ્રેનર પસંદ કરવામાં આવે છે. માસ્ટર ટ્રેનરે જ્યાં ચૂંટણી યોજાવાની હોય તે રાજ્યમાં જઈ ચૂંટણી પ્રક્રિયા સાથે સંકળાયેલા આર.ઓ. અને એ.આર.ઓ.ને ઈ.વી.એમ., વીવીપેટ અને સમગ્ર ચૂંટણી પ્રક્રિયાને લગતી મહત્વની તાલીમ આપવાની હોય છે. ગુજરાતમાં આવા ૭ જેટલા માસ્ટર ટ્રેનર છે. જેમાના બે શ્રી એચ.જે. પારેખ અને શ્રી એન.ડી. પરમારને થોડા દિવસ પહેલા અનુક્રમે રાયપુર અને ભોપાલ મોકલવામાં આવ્યા હતા. બન્નેએ તાલીમ આપવાની ભૂમિકા સફળતાપૂર્વક પૂર્ણ કરી છે. માસ્ટર ટ્રેનર તરીકે બીજા રાજ્યમાં તાલીમ આપવા જવાની બાબત વહીવટી તંત્રમાં ગૌરવરૂપ ગણાય છે.(૨-૨૫)

(3:59 pm IST)
  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • કર્ણાટક કેબિનેટઃ કોંગ્રેસના અસંતુષ્ટો ભાજપ સાથે હાથ મિલાવે તેવી શકયતાઃ પક્ષ છોડવા કેટલાકે મન બનાવ્યુઃ વાતચીત શરૃઃ મંત્રી નહિ બનાવતા અનેક કોંગી ધારાસભ્યો નારાજ છે access_time 11:24 am IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST