Gujarati News

Gujarati News

News of Thursday, 8th April 2021

ગાંધીનગર નજીક ચોલીડા પોલીસે પેટ્રોલિંગ હાથ ધરી બાતમીના આધારે કારને ઝડપી 510 લીટર વિદેશી દારૂનો જથ્થો જપ્ત કરવામાં આવ્યો

ગાંધીનગર:જિલ્લામાં દેશી વિદેશી દારૃની હેરાફેરી અને વેચાણ અટકાવવા માટે પોલીસ દ્વારા દોડધામ કરવામાં આવી રહી છે ત્યારે ચિલોડા પોલીસની ટીમ પેટ્રોલીંગમાં હતી તે દરમ્યાન બાતમીના આધારે પીછો કરીને ચિલોડા બ્રીજ પાસેથી એક કાર ઝડપી પાડી હતી અને તેમાંથી પ૧૦ લીટર દેશી દારૃનો જથ્થો કબ્જે કર્યો હતો. દારૃ મોકલનાર અને મંગાવનાર સામે પણ ગુનો નોંધીને પોલીસે ૩.૧પ લાખનો મુદ્દામાલ પોલીસે કબ્જે કર્યો હતો.     

રાજયમાં દારૃબંધી હોવા છતાં પરપ્રાંતમાંથી મોટા પ્રમાણમાં વિદેશી દારૃનો જથ્થો ઠાલવવામાં આવી રહયો છે ત્યારે પોલીસ પણ બાતમીદારોને સક્રિય કરી આવા દેશી વિદેશી દારૃના જથ્થાને પકડવા માટે દોડી રહી છે ત્યારે ચિલોડા પોલીસની ટીમ ગઈકાલે પેટ્રોલીંગમાં હતી તે દરમ્યાન મહુન્દ્રા પાટીયા તરફથી આવી રહેલી જીજે-૧૮-એબી-૬૫૧૭ નંબરની કાર શંકાસ્પદ લાગી હતી. જેથી તેનો પીછો કરીને ચિલોડા બ્રીજ પાસેથી પકડી લેવામાં આવી હતી. કારમાં તપાસ કરતાં ૧પ જેટલા પ્લાસ્ટીકના કોથળામાં ૫૧૦ લીટર દેશી દારૃ મળી આવ્યો હતો. જયારે કારચાલક અમદાવાદ ઓઢવના રણવીરસિંહ લાલસિંહ રાઠોડની પુછપરછ કરતાં ઠકકરનગરના રઘુનાથસિંહ ઉર્ફે રવિ રોડસિંહ રાઠોડના કહેવાથી કલોલ પાસે એક શખ્સ આ કાર આપી ગયો હતો અને અમદાવાદ ખાતે રહેતાં ઉદેસિંહ ઉર્ફે દીનુસિંહ સીસોદીયાને આ દારૃ આપવાનો હતો. હાલ તો પોલીસે દારૃ અને કાર મળી ૩.૧પ લાખનો મુદ્દામાલ જપ્ત કરીને ત્રણેય શખ્સો સામે ગુનો નોંધીને વધુ તપાસ શરૃ કરી છે. 

(5:21 pm IST)
  • રાજકોટ શહેર - જીલ્લામાં હાલ ૩૨૦૦ બેડ ઉપલબ્ધ : તેમાંથી ૪૦૦થી વધુ ખાલી : ૭૨ કલાકમાં ઓક્સિજનવાળા વધુ ૭૦૦ બેડ વધશે : રેમડેસીવીર ઈન્જેકશનનો જથ્થો સરકારીમાં ૫૦૦૦ અને પ્રાઈવેટમાં ૨૦૦૦નો છે : ઓક્સિજન - વેન્ટીલેટર પૂરતા છે : રાજકોટ - જીલ્લાના કોઈપણ દર્દીને રેમડેસીવીર ઈન્જેકશનની તકલીફ નહિં પડે : પત્ર્કારો સાથેની વાતચીતમાં રાજકોટના પૂર્વ કલેકટર રાહુલ ગુપ્તા અને કલેકટર રેમ્યા મોહનની ભારપૂર્વકની ખાત્રી : લોકો ગભરાય નહિં : વેન્ટીલેટરનો જથ્થો પણ ૩૦૦થી વધુ છે : રાજકોટના મોટા ધાર્મિક સ્થળો ઉપર ભીડ ઍકઠી ન થાય તે જાવા અપીલ : આવા મંદિરોના વડાઓને બોલાવાયા access_time 11:59 am IST

  • કોરોના સંક્રમણની રાજકોટ શહેર - જિલ્લામાં અતિભયજનક સ્થિતિ થતી જાય છે : ગઈકાલે સવારે 8 થી આજે સવારે 8 વાગ્યા સુધીમાં 31 લોકોના સરકારી ચોપડે દુઃખદ મૃત્યુ નોંધાયા : લોકો ફફળી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 267 બેડ ઉપલબ્ધ access_time 10:10 am IST

  • ટી-૨૦ વર્લ્ડકપ ભારતમાં જ યોજાશે : બેકઅપ પ્લાન પણ તૈયારઃ આઇસીસીના વચગાળાના સીઇઓ જ્યોફ એલાર્ડિસે જણાવ્યું હતું કે ભારતમાં ટી-૨૦ વર્લ્ડકપ રાબેતા મુજબ યોજાવવાનો છે અને તેના માટે તેની પાસે બેક-અપ પ્લાન તૈયાર છે. હાલના તબક્કે ટી-૨૦ વર્લ્ડકપ ભારતમાં જ યોજવા આયોજન access_time 12:21 am IST