Gujarati News

Gujarati News

News of Thursday, 8th April 2021

વડોદરાના ન્યુસમા રોડ વિસ્તારમાં કોરોના સંક્રમિત યુવાને ફાસો ખાઈ જીવન ટુંકાવતા અરેરાટી

વડોદરા : શહેરના ન્યુસમારોડ વિસ્તારમાં કોરોના સંક્રમિત યુવાને પોતાના ઘરમાં જ ગળા ફાંસો ખાઇ આત્મહત્યા કરી લેતા સમગ્ર વિસ્તારમાં ચર્ચાનો વિષય બન્યો હતો.

આ અંગેની વિગત એવી છે કે ન્યુ સમારોડ વિસ્તારમાં જલારામ મંદિર નજીક આવેલી જય યોગેશ્વર સોસાયટીમાં રહેતો ૩૮ વર્ષનો હરીઓમ જગન્નાથ ઝા મંજુસર ખાતેની ખાનગી કંપનીમાં નોકરી કરતો હતો. છેલ્લા કેટલાક દિવસોથી તેની તબિયત બગડતા ખાનગી હોસ્પિટલમાં તપાસ કરાવી હતી અને કોરોનાનો રિપોર્ટ કઢાવતા ગઇકાલે જ પોઝિટિવ રિપોર્ટ આવ્યો હતો.

હરીઓમને કોરોનાનો ચેપ લાગ્યો  હતો પરંતુ હોસ્પિટલમાં દાખલ થવાની જરૃર નહી હોવાથી  હોમ ક્વોરેન્ટાઇનની સલાહ આપતા તેનેે ગઇકાલથી જ ઘેર રહીને કોરોનાની સારવાર શરૃ કરી હતી. આજે બપોરે પત્ની બહાર ગઇ હતી ત્યારે હરીઓમે ઘરમાં જ છતના પંખા સાથે રૃમાલ બાંધીને ગળા ફાંસો ખાઇને આત્મહત્યા કરી લીધી  હતી. પત્ની જ્યારે ઘેર આવી ત્યારે પતિને મૃત હાલતમાં જોતા બૂમાબૂમ કરતા આજુબાજુના લોકો પણ ભેગા થઇ ગયા હતાં.

(5:19 pm IST)
  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST

  • વધુ એક રાજકીય નેતા કોરોના સંક્રમિત થયા : ભાજપના શ્રી આઈ.કે.જાડેજામો રિપોર્ટ કોરોના પોઝિટિવ : યુ.એન. મહેતા હોસ્પિટલમાં દાખલ કરાશે access_time 12:50 pm IST

  • સુરત:અઠવાઝોનના મોલ બંધ રાખવા મનપાનો આદેશ : તાત્કાલિક અસરથી આજથી જ મોલ બંધ રાખવા સુચના અપાઈ : અગાઉ શનિ રવિ મોલ બંધ રાખવાની સુચના અપાઈ હતી access_time 6:17 pm IST