Gujarati News

Gujarati News

News of Thursday, 8th April 2021

ભડકે બળતા શાકભાજીના ભાવ : ગૃહિણીઓની વધી ચિંતા

એવરેજ દરેક શાક ૯૦ થી ૧૦૦ રૂપિયે કિલો પહોંચ્યું

અમદાવાદ તા. ૮ : ઉનાળાની શરુઆત થતાં જ શાકભાજીના ભાવ ભડકે બળ્યા છે. હોલસેલ માર્કેટમાં શાકભાજીના ભાવમાં  ૧૦થી ૨૦નો વધારો થયો છે. ઉનાળાની ગરમી લોકોને અકળાવી રહી છે. બીજી તરફ  ગરમીની સાથે સાથે શાકભાજીના વધેલા ભાવો ગૃહિણીઓને  પરેશાન કરી રહ્યા છે. વેપારીઓનું માનીએતો ગરમીમાં શાકભાજીની આવક ઘટતા ભાવો વધ્યા છે. શીયાળુ પાક બજારમાંથી જતો હોય છે જયારે ઉનાળુ પાક આવતો હોય છે અને આથી આ સમયે ભાવ વધતા હોય છે.

હોલસેલ માર્કેટમાં ભાવ વધારો થતા રીટેઇલમાં પણ તેની અસર થાય છે. રીટેઇલ બજારમાં ભાવ અલગ અલગ હોય છે. વિસ્તાર પ્રમાણે ભાવ પણ બદલાય છે. પરંતુ એવરેજ દરેક શાક ૯૦થી ૧૦૦ રૂપિયે કિલો પહોંચ્યુ છે.

હાલમાં મોંઘવારીએ માજા મૂકી છે તેવામાં રોજીંદી જરૂરીયાતસમા શાકભાજીના ભાવો પણ લાકડા જેવા થઇ જતા સામાન્ય માણસનું જીવન દુષ્કર બની ગયું છે.

(10:13 am IST)
  • સુરત:અઠવાઝોનના મોલ બંધ રાખવા મનપાનો આદેશ : તાત્કાલિક અસરથી આજથી જ મોલ બંધ રાખવા સુચના અપાઈ : અગાઉ શનિ રવિ મોલ બંધ રાખવાની સુચના અપાઈ હતી access_time 6:17 pm IST

  • વધુ એક રાજકીય નેતા કોરોના સંક્રમિત થયા : ભાજપના શ્રી આઈ.કે.જાડેજામો રિપોર્ટ કોરોના પોઝિટિવ : યુ.એન. મહેતા હોસ્પિટલમાં દાખલ કરાશે access_time 12:50 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST