Gujarati News

Gujarati News

News of Thursday, 8th April 2021

રાજપીપળા કોવીડ હોસ્પિટલમાં કોરોનાગ્રસ્તનો મૃતદેહ લઇ જવા શબવાહિની માટે ત્રણ કલાક રાહ જોવી પડી

(ભરત શાહ દ્વારા ) રાજપીપળા : રાજપીપલા કોવીડ હોસ્પિટલમાં કોરોનગ્રસ્ત દર્દીના મૃતદેહ માટે શબવાહિની માટે મૃતકના સગા એ ત્રણ કલાક રાહ જોવી પડી હોવાની ચોંકાવનારી હકીકત બહાર આવવા પામી છે.
પ્રાપ્ત માહિતી મુજબ રાજપીપલા કોવીડ હોસ્પિટલ ખાતે સારવાર અર્થે દાખલ કરાયેલ ડેડીયાપાડા ની ગંગાપુર શાળાના શિક્ષક ઠાકોરભાઈ રાજનું ગઈકાલે મોત નીપજ્યું હતું ત્યારે તેમના મૃતદેહને કોવીડ સ્મશાન ખાતે લઇ જવા શબવાહિનીની ત્રણ કલાક રાહ જોવી પડી હતી આ બાબતે મૃતકના સગા જેઓ પણ શિક્ષક છે તે  વિરેન્દ્રસિંહ પરમાર જણાવે છે કે અમને હોસ્પિટલમાંથી કહેવામાં આવ્યું કે શબવાહિની કોન્ટ્રાક્ટ પરની છે એટલે રાહ જુઓ સમય જતા નગરપાલિકામાં પૂછ્યું તો ત્યાંથી જવાબ મળ્યો  કે કોરોના માટે શબવાહિની અપાતી નથી અને તે સ્વાભાવિક છે તેથી અમે રાહ જોઈ ત્રણ કલાકે શબવાહિની આવી ત્યાં સુધી મૃતદેહ પડ્યો રહ્યો હતો.

આ બાબત સિવિલ સર્જન ને પૂછતાં તેમણે જણાવ્યું કે રાત્રે મોત નીપજ્યું હતું ત્યારે એમના મૃતદેહ ને લઇ જવા પૂછ્યું હતું પણ સવારે જણાવતા સવારે કોન્ટ્રાક્ટ ની શબ વાહિની અને અમારા ચાર કર્મચારી મૃતદેહ લઇ જનારા આવે ત્યાં સુધી રાહ જોવી પડી તેમાં ગેરવ્યવસ્થા નો કોઈ પ્રશ્ન નથી.

(10:43 pm IST)
  • રાજકોટમાં વધુ બે સ્થળોઍ ટેસ્ટીંગ બુથ શરૂ કરાશે : શહેરમાં છેલ્લા ૧૦ દિવસથી કોરોનાઍ હાહાકાર મચાવતા ગઈકાલે ૩ સ્થળોઍ બુથ શરૂ કરાયા છે ત્યારે આજે વધુ ૨ સ્થળો સામાકાંઠે અને સોરઠીયા વાડી ઍમ બે સ્થળોઍ ટેસ્ટીંગ બુથ શરૂ કરવા મ્યુનિસિપલ કોર્પોરેશન દ્વારા શરૂ કરાશે : શહેરમાં હાલમાં ૮ બુથ કાર્યરત છે access_time 12:02 pm IST

  • હિમાચલ પ્રદેશ નગર નિગમની ચૂંટણીમાં ભાજપને ઝટકો : ચારમાંથી બે શહેરો કોંગ્રેસે કબ્જે કર્યા : પાલમપુરમાં 15 માંથી 11 તથા સોલનમાં 17 માંથી 9 બેઠકો ઉપર કોંગ્રેસ વિજયી : મંડી તથા ધર્મશાળામાં ભગવો લહેરાયો : હિમાચલ પ્રદેશમાં કોંગ્રેસનો સફાયો કરી નાખવાની ભાજપની મુરાદ બર ન આવી access_time 11:51 am IST

  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST