Gujarati News

Gujarati News

News of Thursday, 8th April 2021

સુરતના ધારાસભ્યએ ૪૮ કલાકમાં હૉસ્પિટલ ઉભી કરી

હર્ષ સંઘવીએ ૪૮ કલાકમાં હોસ્પિટલ ઊભી કરી સુરત શહેરમાં કોરોનાની સ્થિતિ ઘણી ખરાબ છે, સુરતમાં કોરોનાના દર્દીની સારવાર માટે હોસ્પિટલમાં જગ્યા નથી

સુરત,તા.૭ : ગુજરાતમાં સતત કોરોના સંક્રમણ વધી રહ્યું છે. સુરતની સ્થિતિ ઘણી ખરાબ છે. સુરતમાં દર્દીની સારવાર માટે હોસ્પિટલમાં જગ્યા નથી. તેવામાં સુરતના મજૂરાના ધારાસભ્ય હર્ષ સંઘવી દ્વારા માત્ર ૪૮ કલાકમાં જ ફરી ૧૦૦ બેડની હોસ્પિટલ એટલે કે અટલ સંવેદના કોવિડ કેસ સેન્ટર તાબડતોડ ઉભું કરી આજે દર્દીઓ માટે ખુલ્લી મૂકવાની તૈયારીઓ કરી છે. ધારાસભ્ય હર્ષ સંઘવીના આ ઉમદા કાર્યમાં તેમના મિત્રો અને કાર્યકરોએ ખૂબ જ મહેનત કરી છે અને આગામી ૭૨ કલાકમાં ૨૦૦ દર્દીને સારવાર મળી રહે તેવી હોસ્પિટલ ઉભી કરી છે. માત્ર ૨૪ કલાકમાં ૧૦૦ બેડની ઓક્સિજન હોસ્પિટલ સાથે આવનાર દર્દીને રેમડેસિવર ઇન્જેક્શન એમડી ડોક્ટરની એડવાઇઝથી ફ્રીમાં આપવામાં આવશે. ગત રોજ રાજય સરકર દ્વારા સુરતના મજૂરાગેટ ખાતે આવેલ સિવિલમાં નવ નિર્મિત કિડની હોસ્પિટલમાં ૮૦૦ બેડની હોસ્પિટલ શરૂ કરવાની જાહેરાત કરવામાં આવી છે.

      ત્યારે મજુરા ગેટના ધારાસભ્ય હર્ષ સંઘવી દ્વારા દર્દીને પડતી હાલાકી દૂર કરવા માટે પહેલાની જેમ ૭૨ કલાકમાં કોવિડ હોસ્પિટલ શરુ કરવાનો સંકલ્પ કર્યો હતો. પોતાના મિત્રો અને કાર્યકર્તાઓની ૭૨ વ્યક્તિની ટીમ દ્વારા ૧૦૦ બેડની હોસ્પિટલ તૈયાર કરી નાખવામાં આવી હતી. ખાનગી હોસ્પિટલમાં હાઉસફુલનાં બોર્ડ લાગી ગયાં છે. ૧૦૮ને ગેટ પર જ અટકાવી દેવાય છે. કોરોનાના દર્દી હોવાનું કહેતાં જ સિવિલ લઈ જવાનું કહી દેવાય છે. ધારાસભ્ય હર્ષ સંઘવીએ કહ્યું હતું કે આવા કપરા સમયમાં એક લોક પ્રતિનિધિ તરીકે મારી જવાબદારી બને છે, જેને લઈ એકપણ કોરોના પોઝિટિવ દર્દી સારવારને લઈને અટવાય નહીં એ બીડું ઉપાડ્યું છે. ભૂતકાળમાં આ હોસ્પિટલમાં ૧૫૦૦ જેટલા દર્દીની સારવાર કરી તેમને સારા કરી ઘરે મોકલી આપવામાં આવ્યા હતા. ત્યારે ફરી એક વાર લોકોની મદદ માટે આ ધારાસભ્યની ટીમ મેદાને ઉતરી છે. આ હોસ્પિટલની તમામ સેવા માટે રાજ્યના ડેપ્યુટી સીએમ નીતિન પટેલ દ્વારા ધારાસભ્યના વિધાનસભામાં વખાણ કરવામાં આવ્યા હતા. અહીંયા દાખલ દર્દી માટે મેડીકલ ટીમ પણ તૈનાત કરવામાં આવી છે અને દાખલ દર્દીને રેમડેસિવર ઇન્જેક્શન એમડી ડોક્ટરની એડવાઇઝથી ફ્રીમાં આપવામાં આવશે.

(9:50 pm IST)
  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • સુરત:અઠવાઝોનના મોલ બંધ રાખવા મનપાનો આદેશ : તાત્કાલિક અસરથી આજથી જ મોલ બંધ રાખવા સુચના અપાઈ : અગાઉ શનિ રવિ મોલ બંધ રાખવાની સુચના અપાઈ હતી access_time 6:17 pm IST

  • પશ્ચિમ બંગાળમાં રાજકીય હિંસાનો સિલસિલો યથાવત : બંગાળ ભાજપ અધ્યક્ષ દિલીપ ઘોષની કાર ઉપર હુમલો : જે ગાડીમાં બેઠા હતા તેનો કાચ તૂટ્યો : તૃણમૂલ કોંગ્રેસના કાર્યકરો ઉપર આરોપ access_time 8:45 pm IST