Gujarati News

Gujarati News

News of Monday, 8th March 2021

અમદાવાદમાં કોરોનાએ ઉથલો મારતા મનપાની મોટી કાર્યવાહી : ગાઈડલાઇનનું પાલન નહિ કરતા બજાર - રેસ્ટોરન્ટ બંધ કરાવ્યા

ખાણી-પીણી બજાર, રેસ્ટોરન્ટ, કેફે, હેપ્પી સ્ટ્રીટ સહિતના બજારોમાં સરપ્રાઈઝ ચેકિંગ

અમદાવાદ : અમદાવાદમાં કોરોનાએ ફરીથી ઉથલો માર્યો છે. સ્થાનિક સ્વરાજની ચૂંટણી પછી કોરોનાના દૈનિક કેસોમાં સતત વધારો થઇ રહ્યો છે, જેના પગલે મ્યુનિસિપલ કોર્પોરેશન દ્વારા ખાણી-પીણી બજાર, રેસ્ટોરન્ટ, કેફે, હેપ્પી સ્ટ્રીટ સહિતના બજારોમાં સરપ્રાઈઝ ચેકિંગ શરૂ કરવામાં આવ્યું છે. જે પણ જગ્યાએ કોરોના માર્ગદર્શિકાનું પાલન ન કરવામાં આવતા બજાર અને રેસ્ટોરન્ટ બંધ કરાવવામાં આવ્યા. હતા

 આંતરરાષ્ટ્રીય મહિલા દિવસની સાંજે અમદાવાદ મ્યુનિસિપલ કોર્પોરેશનના સોલિડ વેસ્ટ મેનેજમેન્ટ વિભાગની ટીમ નારણપુરા, પાલડી, મણીનગર, અંકુર, થલતેજ, નવરંગપુરા, જોધપુર, બોડકદેવ સહિતના વિસ્તારમાં સરપ્રાઈઝ ચેકિંગ માટે નીકળી હતી. જ્યાં એકપણ જગ્યાએ કોરોનાની ગાઈડલાઈનનું પાલન ન કરવામાં આવતા તમામ બજાર અને રેસ્ટોરાં બંધ કરાવવામાં આવ્યા છે.

AMCની કાર્યવાહી અંગે સોલિડ વેસ્ટ વિભાગના ડાયરેક્ટર હર્ષદ સોલંકીએ જણાવ્યું કે અમદાવાદ મ્યુનિસિપલ કોર્પોરેશન દ્વારા આઠ વિસ્તારોમાં ચેકિંગ શરૂ કરવામાં આવ્યું છે. જ્યાં કોરોના માર્ગદર્શિકાનું પાલન નથી થતું, તેવી હોટલ-રેસ્ટોરન્ટ ને બંધ કરવામાં આવે છે. તેમજ ગાઇડ લાઈન ફોલો કરવા માટે સમજવામાં આવી રહ્યા છે.

(11:21 pm IST)
  • અમેરિકા નૌકાદળ અને વાયુસેનાની સંયુકત કવાયતમાં બંને ફોર્સના ફાઇટર વિમાનોએ ભાગ લીધો હતો અને આકાશમાં એરો ફોર્મેશન (તીરનો આકાર) રચ્યો હતો. ફોર્મેશનમાં અમેરિકાના આધુનિક ફાઇટર વિમાનો એફ-એ-૧૮ સુપર હોર્નેટ (વચ્ચેના છ) તથા એફ-૧૬ ફાઇટિંગ ભાગ લીધો હતો. સુપર હોર્નેટ નૌકાદળ વાપરે છે, જયારે ફાઇટિંગ ફાલ્કન અમેરિકી એરફોર્સના વિમાનો છે. access_time 4:06 pm IST

  • સંસદના બજેટ સત્રના બીજા ભાગનો આજથી પ્રારંભ : સંસદના બજેટ સત્રના બીજા ભાગનો આજથી પ્રારંભ થઇ રહ્યો છે પણ તેનો સમય ઘટવાની શકયતા છે કેમકે મોટાભાગના ટોચના રાજકારણીઓ માર્ચ-એપ્રિલમાં થનારી ચૂંટણીના પ્રચારમાં વ્યસ્ત રહેશે. access_time 3:02 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST