Gujarati News

Gujarati News

News of Monday, 8th March 2021

આઇસીડીએસ વિભાગ દ્વારા વિરમગામ, માંડલ ખાતે આંતરરાષ્ટ્રીય મહિલા દિવસની ઉજવણી કરાઇ

મહિલા સશક્તિકરણ અંગે મહિલાઓને જરૂરી માર્ગદર્શન આપવામાં આવ્યુ

(વંદના નીલકંઠ વાસુકિયા દ્વારા) વિરમગામ :આંતરરાષ્ટ્રીય મહિલા દિવસ નિમિત્તે માંડલ આઇ.સી.ડી.એસ કચેરી દ્વારા મહિલા દિવસની ઉજવણી કરવામાં આવી હતી. બી.આર.સી ભવન માંડલ તાલુકા પંચાયત ખાતે આયોજીત મહિલા દિવસ ઉજવણીના કાર્યક્રમ કરવામાં બ્રહ્માકુમારીમાંથી વનીશાબેન , એસ.બી.આઇ માંડલના બેંક મેનેજર, આઇ.સી.ડી.એસ સીડીપીઓ મીતાબેન જાની,  એમ.એસ આયેશાબેન મુલતાની , એનએનએમબીસીઓ   અમીબેન  ગજ્જર ઉપસ્થિત રહ્યા હતા

 . આ કાર્યક્રમ માં હાજર રહેલ બ્રહ્મા કુમારી માંથી પધારેલ વાનીશાબેન દ્વારા નારી સશક્તિકરણ વિશે ખુબ જ સારું પ્રવચન કરવામાં આવ્યુ હતુ. તેમજ બેંક મેનજર  દ્વારા બેંકમાં ચાલતી વિવિધ યોજનાઓ જેવી કે અટલ પેન્શન તેમજ બીજી યોજનાકીય માહિતી આપવામાં આવી હતી. મહિલાઓ પોતાના માટે બચત કરી શકે સી.ડી.પી.ઓ મીતાબેન જાની દ્વારા મહિલાઓને બેટી બચાવો બેટી પઢાવો, વ્હાલી દિકરી યોજના અંતર્ગત જરૂરી માર્ગદર્શન પૂરું પાડવામાં આવ્યુ હતુ. તેમજ પગભર રહેવું કેટલું જરૂરી છે તેના માટે શિક્ષણ ની જરૂરિયાત વિશે ખૂબ જ સારી રીતે માર્ગદર્શન આપવામાં આવેલ હતુ. આ ઉપરાંત આંતરરાષ્ટ્રીય મહિલા દિવસ નિમિત્તે વિરમગામ આઇ.સી.ડી.એસ કચેરી દ્વારા મહિલા દિવસની ઉજવણી કરવામાં આવી હતી. આ કાર્યક્રમમાં વિરમગામ નગરપાલીકાના પુર્વ પ્રમુખ રીનાબેન પંડ્યા,  રૂકશાનાબેન ગીલાની ઉપસ્થીત રહ્યા હતા અને મહિલાઓને માર્ગદર્શન આપ્યુ હતુ.

(10:06 pm IST)
  • ૩ હજાર કેન્દ્રોમાં રસી ઉપલબ્ધ : આરોગ્ય પ્રધાને સોમવારથી ૩૦૦૦ કેન્દ્રોમાં રસી ઉપલબ્ધ કરાવવા અધિકારીઓને સૂચના આપી હોવાનું એક નિવેદનમાં કહેવાયું છે. access_time 3:01 pm IST

  • ૧૯પ૯માં જસવંતિબેન જમનાદાસ પોપટે અન્‍ય ૬ મહિલાઓ સાથે ફકત ૮૦ રૂપિયાની મૂડીથી લીજ્જત મહિલા ગૃહ ઉદ્યોગ લીજ્જત પાપડની શરૂઆત કરી. જેનો બીઝનેસ આજે ૧૦૦૦ કરોડથી પણ વધારે છે. access_time 3:55 pm IST

  • ચૂંટણીઓના લીધે સંસદ સ્થગીત કરો : મમતાના ટીએમસીએ રાજ્યસભાના અધ્યક્ષને પત્ર લખીને કેટલાક રાજ્યોમાં વિધાનસભાની ચૂંટણીઓને પગલે સંસદ સત્ર સ્થગિત કરવાની માંગ કરી છે. access_time 11:18 am IST