Gujarati News

Gujarati News

News of Monday, 8th March 2021

અમદાવાદ:કમિશનર ઓફિસ પાછળ ચાલતા જુગાર ધામ પર સ્ટેટ મોનિટરીંગ સેલનો દરોડો

દરિયાખાન ઘુમ્મટ પાસેથી 18 લોકો પકડાયા : 2.24 લાખ રૂપિયાનો મુદ્દામાલ જપ્ત

અમદાવાદ: શાહીબાગ પોલીસ કમિશનર ઓફિસની પાછળ આશરે 200 મીટર દૂર ચાલતા જુગારનાં અડ્ડા પર સ્ટેટ મોનીટરીંગ સેલે રેડ કરી હતી. દરિયાખાન ઘુમ્મટ પાસેથી 18 લોકો પકડાયા હતા. પોલીસે 2.24 લાખ રૂપિયાનો મુદ્દામાલ જપ્ત કર્યો હતો સ્ટેટ મોનિટરીંગ સેલ છેલ્લા કેટલાય સમયથી કોના ઇશારે નિષ્ક્રિય રહી છે તે ચર્ચાનો વિષય બન્યો છે

  માધુપુરા પોલીસ સ્ટેશનની હદમાં આવેલા શાહીબાગ પોલીસ કમિશનર કચેરીની પાછળના દરિયાખાના ઘુમ્મટ પાસે ગાર્ડનમાં દાઉદ ઈબ્રાહિમ મિયાંણા નામનો શખ્સ જુગારધામ ચલાવતો હતો. જોકે પોલીસ સ્ટેશન સહિત ક્રાઇમ બ્રાન્ચ અને પીસીબીમાં અનેક ફરિયાદો કરી છતાં તેની સામે કોઈ કાર્યવાહી ન થઇ. આખરે સ્ટેટ મોનિટરીંગ સેલમાં પણ લાંબો સમય ફરિયાદ થતાં રેડ થઈ હતી

ગાંઘીનગર સ્ટેટમોનિટરીંગ સેલની ટીમ તથા એસઆરપીની ટીમ સાથે મળીને તે જગ્યા પર દરોડો પાડ્યો હતો. પોલીસને જોઈ અનેક લોકો ભાગી ગયા હતાં. પોલીસે પાછળ દોડીને ૧૮ જેટલા શખ્સોને ઝડપી લીધા હતા. પોલીસે તેમની પાસેથી રૂ.1.16 લાખ તથા 14 મોબાઈલ ફોન મળીને કુલ રૂ.2.24 લાખનો મુદ્દામાલ જપ્ત કર્યો છે

(9:47 pm IST)
  • આંતરરાષ્ટ્રીય મહિલા દિવસ વિશેષ : રૂઢિચુસ્ત બંધનોને તોડીને 24 વર્ષીય મેહરીન અમીન કાશ્મીરની પ્રથમ મહિલા ફિટનેસ ટ્રેનર અને જીમ માલિક બની : તે હવાલ વિસ્તારની ઇસ્લામીયા કોલેજ પાસે ‘ફિટનેસ હબ હેલ્થકેર સેન્ટર’ જીમ ચલાવી રહી છે access_time 9:38 pm IST

  • જંગલમાં વન્ય પ્રાણીઓ માટે પાણીના ૪૫૨ પોઈન્ટ ઉભા કરાશે: ઉનાળામાં પાણી માટે પ્રાણીઓને ભટકવું ન પડે તે માટે વન વિભાગનું આયોજન: પ્રાણીઓ માટે મધુવંતી, હિરણ, શિંગોડા, મછુન્દ્રી, રાવલ ડેમમાં પાણી આરક્ષિત access_time 12:59 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST