Gujarati News

રાજકોટ તા. ૮ : ગુજરાત રાજ્‍યની વિવિધ અદાલતોમાં ફરજ બજાવતા ૨૭થી વધુ ન્‍યાયાધીશની બદલીના હુકમો થયા છે. 

રાજકોટની ફેમીલી કોર્ટમાં જજ તરીકે ફરજ બજાવતા શ્રી વિપુલભાઇ રાવલને પ્રિન્‍સીપાલ જજ ફેમેલી કોર્ટ રાજકોટ ખાતે નિમણુંક આપવામાં આવી છે. જ્‍યારે ભૂજના ત્રીજા એડીશનલ ડીસ્‍ટ્રીકટ જજ શ્રી ચિરાગકુમાર શાહની જજશ્રી સીટી સીવીલ કોર્ટ અમદાવાદ તરીકે બદલી થઇ છે. જ્‍યારે ભૂજના પાંચમાં એડીશનલ ડીસ્‍ટ્રીકટ જજ શ્રી ડી.જી.રાણાની એડીશનલ ડીસ્‍ટ્રીકટ જજ બોટાદ તરીકે બદલી થઇ છે.

જ્‍યારે પોરબંદરના એડીશનલ ડીસ્‍ટ્રીકટ જજ એન્‍ડ એડીશનલ સેશન્‍સ જજ પોરબંદર શ્રી માધવીબેન ભટ્ટને પોરબંદરના સેકન્‍ડ એડીશનલ ડીસ્‍ટ્રીકટ જજ એન્‍ડ એડીશનલ સેશન્‍સ પોરબંદર તરીકે બદલી થઇ છે.

જ્‍યારે રાજકોટના ૧૧માં એડીશનલ ડીસ્‍ટ્રીકટ જજ એન્‍ડ એડીશનલ સેશન્‍સ જજ રાજકોટના શ્રી ભરતભાઇ જાદવની ૧૦માં એડીશનલ ડીસ્‍ટ્રીકટ જજ એન્‍ડ એડીશનલ સેશન્‍સ જજ રાજકોટ તરીકે બદલી ઉપરાંત ૧૨માં એડીશનલ ડીસ્‍ટ્રીકટ જજ એન્‍ડ એડીશનલ સેશન્‍સ જજ ગોંડલની પોલીંગ ૧૧માં એડીશનલ ડીસ્‍ટ્રીકટ જજ એડીશનલ સેશન્‍સ જજ ગોંડલ ખાતે બદલી થઇ છે.