Gujarati News

Gujarati News

News of Saturday, 8th February 2020

અમદાવાદના પીરાણા નજીક પીપળજમાં આવેલી નંદમ ડેનિમ નામની કાપડ ફેક્ટરીમાં ભીષણ આગ

આગમાં 4થી 5 લોકો ફસાયા હોવાની આશંકા : બીજા અને ત્રીજા માળે આગ હોવાથી શેડ તોડીને ક્રેનની મદદ લેવાઈ : આગ પર કાબુ મેળવવાના પ્રયાસો ચાલુ

અમદાવાદના પીરાણા નજીક પીપળજમાં આવેલી નંદમ ડેનિમ નામની કાપડની ફેક્ટરીમાં ભીષણ આગ લાગી છે. આગ લાગતા ફાયર વિભાગની 15 જેટલી ગાડીઓ ઘટનાસ્થળે પહોંચી છે. 100 જેટલા ફાયર જવાનો આગ બુઝાવવા માટે કામે લાગ્યા છે.

 આગને કાબુમાં લેવા માટે આધુનિક ક્રેનની મદદ પણ લેવાઇ રહી છે. આગ લાગતા દોડધામ મચી જવા પામી છે

  અમદાવાદની નંદમ ડેનિમ કાપડ ફેક્ટરીમાં લાગેલી આગમાં 4થી 5 લોકો ફસાયા હોવાની આશંકા વ્યક્ત કરાઇ રહી છે. હાલ ગાને કાબુમાં લેવાના પ્રયાસો હાથ ધરાયા છે. બીજા અને ત્રીજા માળે આગ લાગી હોવાથી શેડ તોડીને ક્રેનની મદદથી આગ પર કાબુ મેળવવાના પ્રયાસો હાથ ધરાયા છે.

(11:03 pm IST)
  • અયોધ્યા રામ મંદિર ટ્રસ્ટમાં 1 દલિત અને 8 પંડિતો પરંતુ ઓબીસીને સ્થાન નહીં : આંદોલનના પ્રથમ હરોળના નેતાઓ કલ્યાણ સિંહ ,વિનય કટિયાર ,ઉમા ભારતી ઓબીસી હતા : કલ્યાણ સિંહ અને ઉમા ભારતીએ ટ્રસ્ટમાં ઓબીસીને પ્રતિનિધિત્વ આપવા માંગણી કરી access_time 7:32 pm IST

  • ભાજપે દરેક બેઠક માટે ૧૮૦૦ કાર્યકરોની ફોજ મેદાનમાં ઉતારી :ભાજપે દિલ્હીની સત્તા 'આપ' પાસેથી આંચકી લેવા આબાદ રણનીતિ ઘડી છેઃ ભાજપે એક પોલીંગ બુથ પર ૧૦ - ૧૫ કાર્યકરો તૈનાત કર્યા છે, એટલું જ નહિ એક બેઠક પર ૧૮૦૦ કાર્યકરોને તૈનાત કર્યા છેઃ ભાજપે લોકોને વધુને વધુ પ્રમાણમાં મતદાન થાય તેવી અપીલ પણ કરી છેઃ ભાજપે પાયાના કાર્યકર સુધી પહોંચ લંબાવી હતી access_time 11:31 am IST

  • જામનગરમાં હોટેલમાં રૂમ ભાડે રાખી ચાલતા વેશ્યાવૃતિના નેટવર્ક નો પર્દાફાશ : પોલીસના દરોડામાં એક મહિલા , એક ગ્રાહક અને સંચાલકની ધરપકડ : જો કે મુખ્ય સંચાલક હાજર નહીં મળતા ફરાર જાહેર: સીટી બી-ડિવીઝન PI રાઠોડ સહિતના સ્ટાફે દરોડો પાડ્યો access_time 12:32 am IST