Gujarati News

Gujarati News

News of Wednesday, 8th January 2020

નર્મદા કોંગ્રેસે NSUI કાર્યકરો પર હુમલો કરનારને સજાની માંગ સાથે મોદીની હાય હાય બોલાવી

દોષીતો વિરુદ્ધ કાયદેસરની કાર્યવાહીની માંગ સાથે જો ન્યાય નહિ મળે તો આગામી દિવસોમાં આંદોલન કરવાની ચીમકી પણ ઉચ્ચારી

(ભરત શાહ દ્વારા) રાજપીપળા : અમદાવાદમાં NSUI ના કાર્યકરો JNU મુદ્દે ABVP કાર્યાલય પાસે પોતાનો વિરોધ પ્રદર્શન કરી રહ્યા હતા.દરમિયાન NSUI ના કાર્યકરો પર લાકડી, દંડા વડે હુમલાની ઘટના બની હતી.નવાઈની વાત તો એ છે કે ગુજરાત ભાજપ યુવા મોરચાના અધ્યક્ષ ઋત્વિજ પટેલ પણ એ સમયે ત્યાં જ ઉપસ્થિત હતા.આ ઘટનામાં NSUI ના રાષ્ટ્રીય મહામંત્રી નિખિલ સવાણી ગંભીર ઘાયલ થતા એમને સારવાર માટે ખસેડાયા હતા.આ ઘટનાથી કોંગ્રેસી કાર્યકરોમાં ભારે રોષ ફેલાયો છે અને દોષીતોને સજા કરવાની માંગ કરી છે.

  નર્મદા જિલ્લા કોંગ્રેસ સમિતિ પ્રમુખ હરેન્દ્ર વાળંદ,નાંદોદ ધારાસભ્ય પી.ડી.વસાવા, ગુજરાત પ્રદેશ કોંગ્રેસના મહામંત્રી હરેશ વસાવા, મંત્રી પ્રફુલ્લ પટેલ, રાજપીપળા પાલિકા વિપક્ષ નેતા મૂંતેઝીર ખાન શેખ, ભરત વસાવા, કાર્યકારી પ્રમુખ નિકુંજ પટેલ, યુવક કોંગ્રેસના વાસુદેવ વસાવા, ચંદ્રેશ પરમાર, જીજ્ઞેશ કોન્ટ્રાકટર, તાલુકા સદસ્ય પ્રકાશ વસાવા સહિત મોટી સંખ્યામાં ઉપસ્થિત કોંગ્રેસી કાર્યકરોએ રાજપીપળા ગાંધી ચોક ખાતે આ હુમલાની ઘટનાના વિરોધમાં ધરણાં પ્રદર્શન કર્યું હતું.પીએમ મોદી, ગૃહમંત્રી અમિત શાહના હાય હાય ના નારા લગાવી દોષીતો વિરુદ્ધ કાયદેસરની કાર્યવાહીની માંગ કરી હતી. સાથે સાથે જો ન્યાય નહિ મળે તો આગામી દિવસોમાં આંદોલન કરવાની ચીમકી પણ ઉચ્ચારી હતી.

(7:58 pm IST)
  • ઈરાન, અમેરિકા સાથેના તણાવને ઘટાડવા માટે ભારત દ્વારા થનાર કોઈ પણ શાંતિ પહેલને આવકારશે : ભારતના ઈરાન રાજદૂત, અલી ચેગેની access_time 1:35 pm IST

  • ભગવાનના નામ પર હેવાન બનેલા ભાઈએ માઁ દુર્ગાને ચડાવી 12 વર્ષની સગીર બહેનની બલી : 2018માં પણ આહુતિ મર્ડર કેસમાં ઝડપાયો હતો : ઓડિસાના બોલગીર જિલ્લાના હેવાન શુભોબનની ધરપકડ : ભાઈ સાથે 12 વર્ષની બહેન જનાની રાના નજીકના નૌપાડા જિલ્લાના ખૈરિયારમાં ગઈ હતી પરંતુ પરત નહીં ફરતા ગામલોકોએ પોલીસ સ્ટૅશનને ઘેરીને સગીરાના ભાઈ પર જ શંકા વ્યક્ત કરતા હેવાન ભાઈની ધરપકડ કરતા તેને પોતાની બહેનની બાલી ચડાવ્યાનું કબુલ્યું access_time 1:15 am IST

  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST