Gujarati News

Gujarati News

News of Wednesday, 8th January 2020

નડિયાદ તાલુકામાં ધમધમતા જુગારધામ પર પોલીસના દરોડા: ત્રણ જુદા-જુદા સ્થળેથી 13 શકુનિઓની રંગે હાથે ધરપકડ કરવામાં આવી

નડિયાદ:તાલુકાના ઉતરસંડા અને દંતાલી તેમજ મહેમદાવાદ તાલુકાના કરોલીમાં ચાલતાં જુગારધામ પર દરોડા પાડી પોલીસે કુલ ૧૩ ઈસમોને ઝડપી પાડ્યાં હતાં. અને ત્રણેય દરોડામાં થઈ કુલ રૂ.૧૪,૦૫૦ની મત્તા જપ્ત કરી પકડાયેલા ઈસમો વિરૂધ્ધ જુગારધારા હેઠળ ગુનો નોંધી વધુ કાર્યવાહી હાથ ધરી છે.

આ અંગે મળતી માહિતી મુજબ નડિયાદ તાલુકાના ઉતરસંડામાં પરા વિસ્તારમાં આવેલ રામદેવપીર મંદિર નજીક રહેતાં પુનમભાઈ વાઘજીભાઈ ઠાકોર પોતાના ઘર નજીક આવેલ ખુલ્લી જગ્યામાં જુગારધામ ચલાવતો હોવાની માહિતીના આધારે એલસીબી પોલીસની ટીમે ગતરોજ રાત્રીના સમયે દરોડો પાડ્યો હતો. જ્યાં પોલીસને જોઈ જુગારીઓમાં નાસભાગ મચી હતી. જેમાં કેટલાક ઈસમો zપોલીસને ચકમો આપી ભાગી છુટવામાં સફળ બન્યાં હતાં. જો કે પોલીસે સ્થળ પરથી પત્તાપાનાનો જુગાર રમતાં છ ઈસમોને રંગેહાથ ઝડપી પાડ્યાં હતાં. જેમાં બાબુભાઈ જવરભાઈ વસાવા, ભરતભાઈ ચીમનભાઈ પરમાર, રમણભાઈ મંગળભાઈ પરમાર, પુનમભાઈ કાભઈભાઈ પરમાર, કિરણભાઈ ચીમનભાઈ પરમાર અને શાંતિલાલ જશભાઈ પરમારનો સમાવેશ થાય છે. જો કે જુગારધામ ચલાવનાર મુખ્ય સુત્રધાર પુનમભાઈ વાઘજીભાઈ ઠાકોરને પોલીસ પકડી શકવામાં નિષ્ફળ નીવડી હતી. પકડાયેલા ઈસમોનીઅંગજડતીમાંથી રૂ.૪૩૦૦ તેમજ દાવ પરથી રૂ.૧૭૫૦ મળી કુલ રૂ.૬૦૫૦ની રોકડ મળી આવી હતી. જે પોલીસે જપ્ત કરી કાયદેસરની કાર્યવાહી હાથ ધરી હતી.

(5:19 pm IST)
  • વડોદરામાં એનએસયુઆઈ કાર્યકરો અને પોલીસ વચ્ચે ઘર્ષણ : ૩૫થી વધુ કાર્યકરોની અટકાયત : અમદાવાદમાં એબીવીપીના કાર્યકરો દ્વારા થયેલ હુમલાના વિરોધ પ્રદર્શન માટે સરદાર પટેલ પ્રતિમા પાસે રેલી દરમિયાન એનએસયુઆઈના કાર્યકરો અને પોલીસ વચ્ચે ઘર્ષણ થયુ હતું access_time 5:18 pm IST

  • ઈરાન, અમેરિકા સાથેના તણાવને ઘટાડવા માટે ભારત દ્વારા થનાર કોઈ પણ શાંતિ પહેલને આવકારશે : ભારતના ઈરાન રાજદૂત, અલી ચેગેની access_time 1:35 pm IST

  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST