Gujarati News

Gujarati News

News of Wednesday, 8th January 2020

ખેડા જિલ્લામાં ધમધમતા જુગારધામ પર દરોડા પડાવ્યા હોવાનો વ્હેમ રાખી યુવાનને ધમકી આપતા ગુનો દાખલ

ખેડા:જિલ્લા એલસીબી પોલીસની ટીમે ગતરોજ રાત્રીના નવ વાગ્યાના અરસામાં નડિયાદ તાલુકાના ઉતરસંડામાં આવેલ રામદેવપીર મંદિર નજીક રહેતાં પુનમભાઈ વાઘજીભાઈ ઠાકોરના ઘર નજીક ચાલતાં જુગારધામ પર દરોડો પાડી છ ઈસમોને રંગેહાથે ઝડપી પાડ્યાં હતાં. જો કે આ દરોડામાં પોલીસ જુગારધામ ચલાવનાર પુનમભાઈ ઠાકોરને પકડી શકી ન હતી.

પોલીસના દરોડા બાદ અડધા કલાકમાં જ પુનમભાઈ વાઘજીભાઈ ઠાકોર, રાહુલભાઈ પુનમભાઈ ઠાકોર, મેહુલભાઈ પુનમભાઈ ઠાકોર અને વિજયભાઈ કાંતિભાઈ ઠાકોર હાથમાં ડંડા લઈ તેમના ઘર નજીક રહેતાં દિપકભાઈ બુધાભાઈ ઠાકોરના ઘરે પહોંચ્યાં હતાં. અને ગમેતેમ અપશબ્દો બોલવા લાગ્યાં હતાં. અને દિપકે એલસીબીમાં બાતમી આપી મારા ઘરે દરોડો પડાવ્યો છે કહી ઘરના દરવાજે ડંડા પછાડવા લાગ્યાં હતાં. જેથી ગભરાયેલા દિપકભાઈ ઘરના પાછળના દરવાજેથી બહાર નીકળી ત્યાંથી ભાગી ગયાં હતાં. બુમાબુમ થતાં આસપાસના લોકો બહાર આવી જતાં ચારેય જણાં ત્યાંથી જતાં રહ્યાં હતાં. જે બાદ રાહુલભાઈ પુનમભાઈ વાઘેલાએ દિપક ઠાકોરને મોબાઈલ પર ફોન કરી જાનથી મારી નાંખવાની ધમકીઓ આપી હતી.

(5:13 pm IST)
  • મુંબઈના વિશ્વવિખ્યાત શ્રી સિધ્ધી વિનાયક ગણપતિ મંદિર ટ્રસ્ટએ, પુલવામામાં શહીદ થયેલા ૪૦ જવાનોના પરિવાર માટે રૂ. ૫૧ લાખની રકમ મહારાષ્ટ્રના મુખ્યમંત્રી ઉદ્ધવ ઠાકરે ને એક સમારોહમાં અર્પણ કરી હતી અને એક ઉત્કૃષ્ટ ઉદાહરણ બેસાડ્યું હતું. access_time 10:31 pm IST

  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST

  • ઈરાન, અમેરિકા સાથેના તણાવને ઘટાડવા માટે ભારત દ્વારા થનાર કોઈ પણ શાંતિ પહેલને આવકારશે : ભારતના ઈરાન રાજદૂત, અલી ચેગેની access_time 1:35 pm IST