Gujarati News

Gujarati News

News of Wednesday, 8th January 2020

પ્રાંતિજમાં હનુમાનજી મંદિર નજીક નાખવામાં આવેલ વીજ પોલ છેલ્લા પંદર દિવસથી બંધ હાલતમાં મળી આવતા તપાસ હાથ ધરાઈ

પ્રાંતિજ: શહેરના મુખ્ય બજારમાં હનુમાનજી મંદિર પાસે નાખવામાં આવેલા  વીજ પોલ છેલ્લા પંદર દિવસથી બંધ હાલતમાં છે. પાલિકાના અધિકારીઓને આ અંગે વારંવાર રજૂઆત કરવા છતાં કોઈ નીવેડો આવતો નથી. તેથી ગામ લોકોને હાલાકી ભોગવવી પડે છે.

પ્રાંતિજ નગર પાલિકા દ્વારા ગામના લોકોની સુવિધા માટે ગામમાં તેમજ દરેક સોસાયટી તેમજ મહોલ્લાઓમાં લાઈટની સુવિધા કરવામાં આવી છે પરંતુ પ્રાંતિજ શહેરના મધ્યમાં હનુમાનજી મંદિર સામે છેલ્લા પંદર દિવસથી   વીજ પોલ બંધ હાલતમાં છે જેને કારણે બજારમાં દર્શનાર્થે આવતા લોકોને હાલાકી ભોગવવી પડે તેમ છે તેમજ વહેલી સવારે આ માર્ગે થઈને ગાોકુલેશ મંદિરે જવા માટે બહેનો પસાર થતી હોય છે.

(5:10 pm IST)