Gujarati News

Gujarati News

News of Saturday, 7th December 2019

ધોરણ-૧૧ની વિદ્યાર્થીની દુર્ઘટનામાં ગંભીર ઘાયલ

ડ્રાઇવર સગીર હોવાની આશંકાથી ઉંડી તપાસ : માર્ગ અકસ્માતને લઇ ઉશ્કેરાયેલા સ્થાનિક લોકોએ બોલેરો જીપમાં તોડફોડ કરી : પોલીસની સમગ્ર મામલે વધુ તપાસ

અમદાવાદ, તા.૭ : અમદાવાદ શહેરના વસ્ત્રાલના ન્યુ આરટીઓથી વિનાયક પાર્ક સુધીના માર્ગ પર વૈદેહી રેસિડન્સીના ગેટ સામે સાઈકલ પર સ્કૂલ જઈ રહેલી  ધોરણ-૧૧ની વિદ્યાર્થીનીને એક બોલેરો જીપના ચાલકે પોતાનું વાહન ગફલતરભરી રીતે હંકારી અડફેડે લેતાં વિદ્યાર્થીનીને ગંભીર ઇજા પહોંચી હતી. અકસ્માત બાદ ગંભીર ઇજા પામેલા વિદ્યાર્થીનીને તાત્કાલિક શહેરની એલજી હોસ્પિટલમાં અને ત્યાંથી સિવિલ હોસ્પિટલમાં સારવાર અર્થે દાખલ કરાઇ હતી. જો કે, વિદ્યાર્થીનીની હાલત ગંભીર હોવાનું મનાઇ રહ્યુ છે. પોલીસે સમગ્ર મામલે વધુ તપાસ હાથ ધરી છે. અકસ્માતને લઇ ઉશ્કેરાયેલા સ્થાનિક લોકોએ બોલેરો જીપમાં તોડફોડ કરી હતી. બીજીબાજુ, સ્થાનિકોના આક્ષેપ મુજબ, ડ્રાઇવર સગીર હોઇ બોલેરો તે જ ચલાવી રહ્યો હતો અને અકસ્માત બાદ તે ઘટનાસ્થળેથી નાસી ગયો હતો. શહેરના વસ્ત્રાલના ન્યુ આરટીઓથી વિનાયક પાર્ક સુધીના માર્ગ પર વૈદેહી રેસિડન્સીના ગેટ સામે સાઈકલ પર સ્કૂલ જઈ રહેલી ધો.૧૧માં અભ્યાસ કરતી માનસી અગ્રવાલને બોલેરો કારના ચાલકે બેદરકારીપૂર્વક પોતાનું વાહન હંકારી તેને અડફેટે લીધી હતી. જેના કારણે માનસીને ગંભીર ઇજાઓ પહોંચતાં તેણીને ગંભીર હાલતમાં પહેલા એલજી હોસ્પિટલમાં અને ત્યારબાદ સિવિલ હોસ્પિટલમાં ખસેડવામાં આવી હતી.

               ૧૬ વર્ષની માનસી અડફેટે લેનારી બોલેરો પાસીંગ વિનાની હોવાની વાત પણ સામે આવી રહી છે, જેને લઇ હવે પોલીસે તપાસ શરૂ કરી છે. આ અંગે સ્થાનિકોના આક્ષેપ મુજબ, આ બોલેરો કોઈ સગીર ચલાવી રહ્યો હતો અને તેને સ્થાનિકોએ ફટકારીને પોલીસને સોંપ્યો હતો, તેમજ બોલેરોમાં તોડફોડ પણ કરી હતી. સગીર ડ્રાઈવરની સાથે સાથે અન્ય બે લોકો પણ હતા. જેમાંથી એક કિશોર નાસી છૂટ્યો હતો. આ રસ્તા પર વાહનો ધીમે ચાલે તે માટે સ્થાનિકોએ પથ્થરો પણ મૂકી દીધા હતા. બનાવને પગલે સમગ્ર વિસ્તારમાં ભારે ચકચાર મચી ગઇ હતી.

(8:01 pm IST)
  • માત્ર વોટ્સએપ દ્વારા જ નહિં પરંતુ ભારતીય કર્મશીલોની ઇમેઇલ દ્વારા પણ ડીજીટલ એટેક કરીને જાસુસી કરવામાં આવી હતી પણ ભીમા-કોરેગાંવ કેસ સાથે સંકળાયેલ કેટલાય માનવ અધિકાર કર્મશીલ અને પત્રકારોને તેમના કમ્પ્યુટરનો સંપૂર્ણપણે કંટ્રોલ લઇ શકે એવુ માલવેર ધરાવતા શંકાસ્પદ ઇમેઇલ મોકલવામાં આવ્યા હતાં એવુ એમ્નેસ્ટી ઇન્ટરનેશનલની ડિજીટલ ટીમે શોધી કાઢયું છે. access_time 11:57 am IST

  • હૈદ્રાબાદ એન્કાઉન્ટર : ચીફ જસ્ટીશનું નિવેદન : બદલાની ભાવનાથી થયો ન્યાય : ઇન્સાફ નથી : હૈદ્રાબાદ ગેગરેપના આરોપીઓના એન્કાઉન્ટર પર ચીફ જસ્ટીશ શરદ બોબડેનું નિવેદન : તેમણે ઘટનાની ટીકા કરી : ન્યાય કદી ઉતાવળે આપવો ન જોઇએ : જો ન્યાય બદલાની ભાવનાથી કરાયો હોય તો તે પોતાનું મૂળ ચરિત્ર ગુમાવી બેસે છે જોધપુરમાં તેમણે આ વાત જણાવી access_time 11:33 am IST

  • કચ્છ ભાજપના નેતા જયંતિ ભાનુશાલી હત્યા કેસનો મામલો: ઝડપાયેલ ૧૨મો આરોપી નિખિલ થોરાટ ગળપાદર જેલ હવાલે access_time 10:57 pm IST