Gujarati News

Gujarati News

News of Saturday, 7th December 2019

એર ઇન્ડિયાની અમદાવાદથી મુંબઈ જતી બે ફ્લાઇટ ચાર કલાકથી વધુ સમય માટે મોડી પડતા મુસાફરોને ભારે પરેશાની

અમદાવાદ:અમદાવાદ-મુંબઇને સાંકળતી એર ઇન્ડિયાની બે ફ્લાઇટ ચાર કલાકથી વધુ સમય માટે મોડી પડતા મુસાફરોને ભારે પરેશાનીનો સામનો કરવો પડયો હતો. જેમાં અમદાવાદ-મુંબઇ ફ્લાઇટ 4.34 કલાક, મુંબઇ-અમદાવાદ 4.03 કલાક માટે મોડી હતી. મુંબઇ-અમદાવાદની એર ઇન્ડિયાની ફ્લાઇટ (એઆઈ 986) સવારે 5:30ને સ્થાને સવારે 9:33ના રવાના થતાં તેને 4.03 કલાકનો વિલંબ થયો હતો.આમ, ફ્લાઇટ તેના નિર્ધારીત સમય સવારે 6:45ને સ્થાને સવારે 10:48ના આવી હતી. બીજી તરફ અમદાવાદ-મુંબઇની એર ઇન્ડિયાની ફ્લાઇટ (એઆઇ 614) સવારે 7:20ના સ્થાને સવારે 11:54ના રવાના થતાં તેને 4.34 કલાકનો વિલંબ થયો હતો.આજે બે ઇન્ટરનેશનલ સહિત કુલ 10 ફ્લાઇટ 50 મિનિટથી વધુ મોડી પડી હતી. જેમાં સ્પાઇસ જેટની અમદાવાદ-દુબઇ બપોરે 4:35ને સ્થાને સાંજે 6:05ના રવાના થતાં તેને 1.30 કલાકનો, અમદાવાદ-બેંગકોક ફ્લાઇટ સાંજે 7ને સ્થાને રાત્રે 8ના રવાના થતાં તેને 1 કલાકનો વિલંબ થયો હતો.સિવાય સ્પાઇસ જેટની અમદાવાદ-દિલ્હી 1.06 કલાક, એર ઇન્ડિયાની ઓઝર-અમદાવાદ 2.50 કલાક, કંડલા-અમદાવાદ 2.23 કલાક, અમદાવાદ-ઓઝર 2.34 કલાક, સ્પાઇસ જેટની દિલ્હી-અમદાવાદ 55 મિનિટ, ઇન્ડિગોની ગોવા-અમદાવાદ ફ્લાઇટ 54 મિનિટ મોડી પડી હતી.

(5:05 pm IST)
  • માત્ર વોટ્સએપ દ્વારા જ નહિં પરંતુ ભારતીય કર્મશીલોની ઇમેઇલ દ્વારા પણ ડીજીટલ એટેક કરીને જાસુસી કરવામાં આવી હતી પણ ભીમા-કોરેગાંવ કેસ સાથે સંકળાયેલ કેટલાય માનવ અધિકાર કર્મશીલ અને પત્રકારોને તેમના કમ્પ્યુટરનો સંપૂર્ણપણે કંટ્રોલ લઇ શકે એવુ માલવેર ધરાવતા શંકાસ્પદ ઇમેઇલ મોકલવામાં આવ્યા હતાં એવુ એમ્નેસ્ટી ઇન્ટરનેશનલની ડિજીટલ ટીમે શોધી કાઢયું છે. access_time 11:57 am IST

  • સોમવાર નવ ડિસેમ્બરથી ત્રણ દિવસ માટે મળી રહેલ ગુજરાત વિધાનસભામાં આઠ સરકારી ખરડાઓ મુકવામાં આવશે access_time 9:59 pm IST

  • વિવાદાસ્પદ સ્વયંભૂ બાબા નિત્યાનંદ સ્વામીનો પાસપોર્ટ રદ કરતી ભારત સરકાર : પાસપોર્ટ માટેની નવી અરજી પણ રદ કરી દીધી access_time 8:20 pm IST