Gujarati News

Gujarati News

News of Saturday, 7th December 2019

કપડવંજના મુવાડાની પરિણીતા પર પતિએ હિંસક બની માર માર્યાની ફરિયાદ

કપડવંજ: તાલુકાના માલાઈંટાડી તાબે તાડના મુવાડામાં રહેતા ગીતાબેન હીરાભાઈ સોઢાપરમારને આજથી સાતેક વર્ષ અગાઉ પતિ હીરાભાઈ સાથે અણબનાવ બનતાં તે તેના ચાર પુત્રોને મૂકી તેના પિયરમાં ચાલી ગઈ હતી. અને તેના પતિ વિરૂધ્ધ બાલાસિનોર કોર્ટમા ખાધાખોરાકીનો કેસ મૂક્યો હતો. જે કેસ હાલ ચાલુ છે. દરમિયાન હીરાભાઈએ બીજી મહિલા સાથે મૈત્રીકરાર કરી લીધાં હતાં. ત્રણ માસ અગાઉ ગીતાબેન તેમના બાળકો સાથે રહેવા માટે સાસરીમાં આવી હતી. આજરોજ સવારના સમયે હીરાભાઈએ પત્ની ગીતાબેન સાથે ઝઘડો કરી તારે મારા ઘરમાં રહેવાનું નથી, ઘરમાંથી બહાર નીકળી જા તેમ કહી મારઝુડ કરી હતી. સાસુ દાલીબેન અને સસરાં કાભાભાઈ કાનાભાઈ પરમારે પણ ગીતાબેનને ઘર બહાર કાઢી મૂકવાની ચઢામણી કરી હતી. અને જાનથી મારી નાંખવાની ધમકીઓ આપી હતી. બનાવ અંગે ગીતાબેન હીરાભાઈ સોઢાપરમારની ફરિયાદને આધારે કપડવંજ રૂરલ zપોલીસે હીરાભાઈ કાભાભાઈ સોઢાપરમાર, કાભાભાઈ કાનાભાઈ સોઢાપરમાર અને દાલીબેન કાભાભાઈ સોઢાપરમાર સામે ગુનો નોંધી કાયદેસરની કાર્યવાહી હાથ ધરી છે.

(5:03 pm IST)
  • હૈદ્રાબાદ એન્કાઉન્ટર : ચીફ જસ્ટીશનું નિવેદન : બદલાની ભાવનાથી થયો ન્યાય : ઇન્સાફ નથી : હૈદ્રાબાદ ગેગરેપના આરોપીઓના એન્કાઉન્ટર પર ચીફ જસ્ટીશ શરદ બોબડેનું નિવેદન : તેમણે ઘટનાની ટીકા કરી : ન્યાય કદી ઉતાવળે આપવો ન જોઇએ : જો ન્યાય બદલાની ભાવનાથી કરાયો હોય તો તે પોતાનું મૂળ ચરિત્ર ગુમાવી બેસે છે જોધપુરમાં તેમણે આ વાત જણાવી access_time 11:33 am IST

  • માત્ર વોટ્સએપ દ્વારા જ નહિં પરંતુ ભારતીય કર્મશીલોની ઇમેઇલ દ્વારા પણ ડીજીટલ એટેક કરીને જાસુસી કરવામાં આવી હતી પણ ભીમા-કોરેગાંવ કેસ સાથે સંકળાયેલ કેટલાય માનવ અધિકાર કર્મશીલ અને પત્રકારોને તેમના કમ્પ્યુટરનો સંપૂર્ણપણે કંટ્રોલ લઇ શકે એવુ માલવેર ધરાવતા શંકાસ્પદ ઇમેઇલ મોકલવામાં આવ્યા હતાં એવુ એમ્નેસ્ટી ઇન્ટરનેશનલની ડિજીટલ ટીમે શોધી કાઢયું છે. access_time 11:57 am IST

  • મહારાષ્ટ્ર : ડુંગળી ર૦૦ રૂપિયે કિલો : ડુંગળીનો ભાવ ઓલ ટાઇમ હાઇ : સોલાપુરની માર્કેટમાં આજે ડુંગળી ર૦૦ની કિલો વેંચાઇ : ડુંગળીની ભારે અછત : આ મહિનાના અંત સુધી ભાવ નહિ ઘટે access_time 3:44 pm IST