Gujarati News

Gujarati News

News of Saturday, 7th December 2019

દિયોદરનાં ફોરણા સિમમાંથી લાખોનો દારૂ ઝડપાયો: નંબર પ્લેટ વગરની બે કારમાં હતો દારૂનો જથ્થો:બુટલેગરો ફરાર

બે સ્વિફ્ટ ગાડીમાંથી દારૂનો જથ્થો જપ્ત : બુટલેગરોની શોધખોળ

બનાસકાંઠા : બનાસકાંઠાનાં દિયોદરનાં ફોરણા સિમમાંથી લાખો રૂપિયાનો દારૂ ઝડપાયો છે. ખાનગી બાતમીનાં આધારે દારૂથી ભરેલી બે સ્વિફ્ટ ગાડી મુકીને બુટલેગરો ફરાર થયા છે. દિયોદર પોલીસે દારૂનો જથ્થો ઝડપીને ફરાર આરોપીઓની શોધખોળ હાથ ધરી છે. આ બંન્ને કાર નંબર પ્લેટ વગરની હતી.

   આ મામલે મળતી માહિતી પ્રમાણે બનાસકાંઠાનાં દિયોદર ગામનાં ફોરણા સિમમાંથી લાખો રૂપિયાનો દારૂ ઝડપાયો છે. ખાનગી બાતમીને આધારે દિયોદર પોલીસે વોચ ગોઠવીને આ બંન્ને કારને ઝડપી પાડી છે. પરંતુ આ કારનાં બંન્ને ચાલકો ગાડી મુકીને ફરાર થઇ ગયા છે. આ બંન્ને ચાલકોને શોધવા માટે પોલીસે કવાયત હાથ ધરી છે.

બંન્ને કારમાં ખચોખચ દારૂ ભરાયેલો હતો. આ બંન્ને કાર પર કોઇ જ નંબર પ્લેટ લગાવવામાં આવી ન હતી

આ બધો દારૂ એક જ કારમાં હતો, આ સાથે અન્ય કારમાં પણ આશરે આટલો જ જથ્થો હતો

(1:46 pm IST)
  • ઈન્ટરનેટ બંધના મુદ્દે જમ્મુ બંધનું અપાયેલ એલાન સંપૂર્ણ નિષ્ફળ : પેન્થર પાર્ટી સહિત કેટલાક સંગઠનોના નેતાઓ - કાર્યકર્તાઓને અટકમાં લઈને જમ્મુ બંધ સરકારે નિષ્ફળ બનાવ્યુ : જમ્મુ કાશ્મીરમાં સતત મહિનાઓથી ઈન્ટરનેટ સેવા બંધ રહેવાના, સરોર ટોલ પ્લાઝા ખોલવાના અને વધતી મોંઘવારીના વિરોધમાં આજે જમ્મુ બંધનું એલાન અપાયેલ : આ અંગે છેલ્લા કેટલાક દિવસોથી દેખાવો થઇ રહ્યા હતા access_time 4:29 pm IST

  • લંડન બ્રિજ ઉપર આતંકી હુમલો કરનાર ઉસ્માન ખાનને પાકિસ્તાન કબજા હેઠળના કાશ્મીરમાં તેના પૈતૃક ગામે દફનાવવામાં આવેલ છે access_time 10:06 pm IST

  • હૈદ્રાબાદ એન્કાઉન્ટર : ચીફ જસ્ટીશનું નિવેદન : બદલાની ભાવનાથી થયો ન્યાય : ઇન્સાફ નથી : હૈદ્રાબાદ ગેગરેપના આરોપીઓના એન્કાઉન્ટર પર ચીફ જસ્ટીશ શરદ બોબડેનું નિવેદન : તેમણે ઘટનાની ટીકા કરી : ન્યાય કદી ઉતાવળે આપવો ન જોઇએ : જો ન્યાય બદલાની ભાવનાથી કરાયો હોય તો તે પોતાનું મૂળ ચરિત્ર ગુમાવી બેસે છે જોધપુરમાં તેમણે આ વાત જણાવી access_time 11:33 am IST