Gujarati News

Gujarati News

News of Friday, 7th December 2018

અમદાવાદમાં પ્રિમિયર બેડમિન્ટન લીગની મેચ હવે જોવા મળશે

સ્ટાર ખેલાડી સિંધુ, નેહવાલને જોવાની તક મળશેઃ ૨૨ ડિસેમ્બરથી ૧૩ જાન્યુઆરી સુધી લીગનું આયોજન ઓલિમ્પિક મેડાલિસ્ટ તેમજ વર્લ્ડ ચેમ્પિયન્સ ભાગ લેશે

અમદાવાદ,તા. ૭: પ્રિમીયર બેડમિન્ટન લીગની મહત્વની મેચો આ વખતે સૌપ્રથમવાર અમદાવાદમાં તા.૨થી ૬ જાન્યુઆરી દરમ્યાન જોવા મળશે. સ્પોર્ટ્સ લાઇવ દ્વારા તા.૨૨ ડિસે.થી તા.૧૩ જાન્યુ.સુધી પ્રિમીયર બેડમિન્ટન લીગનું આયોજન  કરવામાં આવ્યું છે. જેમાં ઓલિમ્પિક મેડાલિસ્ટ અને વર્લ્ડ ચેમ્પિયન્સ સહિત ભારતના ચુંનદા ખેલાડીઓની બેડમિન્ટનની રમતની મોજ માણવા મળશે. ખાસ કરીને પીબીએલમાં ભારતની સ્ટાર ખેલાડીઓ પી.વી.સિંધુ, સાયના નેહવાલ, સિક્કી રેડ્ડી, શ્રીકાંત કિદમ્બી સહિતના ખેલાડીઓ રમતા જોવા મળશે, અમદાવાદીઓ માટે સૌપ્રથમવાર આ સ્ટાર ખેલાડીઓને જોવાની અને તેમની રમતની લુત્ફ ઉઠાવવાની તક પ્રાપ્ય બનશે એમ અત્રે સ્પોર્ટસ લાઇવના એકઝીકયુટીવ ડાયરેકટર પ્રસાદ મંગીપુડી અને બેડમિન્ટન એસોસીએશન ઓફ ઇન્ડિયાના જોઇન્ટ સેક્રેટરી મયુર વી.પરીખે જણાવ્યું હતું. તેમણે વધુમાં જણાવ્યું હતું કે, પીબીએલની આ ૪થી સીઝન છે પરંતુ તે વિશ્વની લોકપ્રિય ઇવેન્ટમાં સામેલ થઇ ચૂકી છે. કારણ કે, તેને જોનારા દર્શકોની સંખ્યા લાખોમાં વધી રહી છે. આ વખતની પીબીએલની સ્પર્ધામાં ૯ ટીમો ભાગ લેશે. જેમાં દેશ-વિદેશના ૧૦૦થી વધુ બેડમિન્ટ પ્લેયર્સ ભાગ લેવાના છે. જેમાં અમદાવાદની અનુષ્કા પરીખની ગેમ અમદાવાદ શહેર માટે સૌથી વધુ આકર્ષણનું કેન્દ્ર બની રહેશે. ૧૭ દેશોના ખેલાડીઓની નવ અલગ-અલગ ટીમો મુંબઇ, હૈદ્રાબાદ, પૂણે, અમદાવાદ, બેંગ્લોર સહિતના શહેરોમાં વિવિધ રાઉન્ડમાં ટકરાશે અને છેલ્લે બેંગ્લોરમાં પ્રિમીયર બેડમિન્ટન લીગની ફાઇનલ રમાશે. તેમણે ઉમેર્યું હતું કે, દેશમાં હવે માત્ર ક્રિકેટની રમત જ લોકપ્રિય નથી રહી પરંતુ લોકો હવે ધીરેધીરે બેડમિન્ટ સહિતની અન્ય રમતો પણ લોકપ્રિય બનાવતા જાય છે અને તેથી અન્ય રમતોમાં પણ આપણા દેશની ખાસ કરીને આંતરિયાળ અને ગ્રામ્ય વિસ્તારની પ્રતિભાઓ અને ખેલાડીઓને પીબીએલ જેવા પ્લેટફોર્મ થકી તક પૂરી પાડવાના આશયથી આ ટુર્નામેન્ટનું આયોજન કરાય છે. આગામી ત્રણ ચાર વર્ષમાં ગુજરાત સહિત દેશભરમાં નવી એકેડમીની સ્થાપના અને નેટવર્ક વિસ્તાર પામ્યા બાદ ઉગતા ખેલાડીઓ માટે નવી તક પ્રાપ્ય બનશે.

(9:50 pm IST)
  • પીટર મુખર્જીની જામીન અરજીનો સીબીઆઈએ કર્યો વિરોધ :તેની સામે પર્યાપ્ત પુરાવા :મુખરજીએ દાખલ કરેલી અરજીમાં પોતે ગુન્હામાં સામેલ હોવાનો ઇન્કાર કર્યો હતો :સીબીઆઈએ જામીન અરજી અંગે કહ્યું કે પીટર ,શીના બોરનું અપહરણ અને હત્યાના જધન્ય અપરાધમાં સામેલ હતા અને તેની વિરુદ્ધ આરોપ સાબિત કરવા પૂરતા પુરાવા છે access_time 1:02 am IST

  • અમદાવાદ : મેટ્રો પ્રોજેક્ટના કોન્ટ્રકટરને અપાઈ નોટીસ :છેલ્લા દોઢ મહિનાથી કામ બંધ કર્યું હોવાના કારણે મેટ્રો પ્રોજેક્ટ ઓથોરીટી દ્વારા કામ ફરી શરુ કરવા અપાઈ ચેતવણી :જો તેમ ન કરાય તો કોન્ટ્રાક્ટ રદ્દ કરવા અપાઈ ચેતવણી access_time 3:18 pm IST

  • વડોદરા જિલ્લાનાવાઘોડિયા તાલુકામાં ફાર્મહાઉસ માં દરોડો પાડીનેવસવેલ ગામની સીમમાં ફાર્મહાઉસ માં દારૂની મેહફીલ માણતા૧૪ નબીએનોની વાઘોડિયા પોલીસે કરી ધરપકડ18 લક્ઝરી કારો સહીત લાખથી વધુનોમુદામાલ કબજે કર્યો છે access_time 3:56 pm IST