Gujarati News

Gujarati News

News of Friday, 7th December 2018

સુરતના ઉઘનામાં પોલીસે દરોડા પાડતા 2100થી વધુ બોટલનો પાણીનો જથ્થો ઝડપાયો: પી.આઈ.પરમાર સસ્પેન્ડ

સુરત:ઉધના પટેલનગર હેગડેવાર ઝુંપડપટ્ટીમાંથી બુટલેગરના સાત રૂમમાંથી વ્હીસ્કી અને બિયરની ૨૧૦૦ થી વધુ બોટલો સ્ટેટ મોનીટરીંગ સેલની ટીમે દરોડા પાડીને ઝડપી લેતા પોલીસ કમિશ્નરે ઉધના પોલીસ મથકના પી.આઇ પરમારને સસ્પેન્ડ કરી દીધા છે.

પોલીસ સૂત્રો દ્વારા પ્રાપ્ત થતી વિગતો મુજબ સ્ટેટ મોનિટરિંગ સેલના પીએસઆઇ કે એન લાઠીયા અને ટીમે ગતરાત્રે ઉધના પટેલ નગર હેગડેવાર ઝુપડપટ્ટીમાં છાપો માર્યો હતો. અહી રૂમ નંબર ૪૦૯, ૪૧૦, ૪૨૧થી ૪૨૩, ૪૦૧ અને ૩૯૫માંથી રૂ.૨,૨૪,૫૦૦ની મત્તાની દારૂ અને બિયરની ૨૧૪૧ બોટલ કબજે કરાઇ હતી. તેમજ દારુના જથ્થા સાથે સોનાબેન બચુભાઈ રાજપૂત , સંજય રાજારામ તિવારી, રાજુ બાલકૃષ્ણ પાટીલ, મનોજ નાનોભાઈ ઢોડીયા પટેલ, નિશાંત ઉર્ફે છોટુ પપ્પુ ભાઈ વાજપાઈ અને શશીકાંત જગનાથ તિવારી ઝડપાઇ ગયા હતા. તેમની પાસેથી રોકડા રૂ.૪૯૦૦,  ૨૪ નંગ સોડા બોટલ , ૮ મોબાઈલ ફોન અને દેશી દારૂના  જથ્થા સહિત કુલ રૂ.૨,૪૦,૯૦૦નો મુદ્દામાલ કબજે કરાયો હતો. દારૂનો જથ્થો હેગડેવાર ઝૂપડપટ્ટીમાં રહેતા બુટલેગર અશોક વિશ્વકર્માએ નવસારીના આઝાદ ઉર્ફે નસુમુદ્દીન  હાફીઝ  તેમજ બુડીયાના કાલુ  પાસેથી મંગાવી વેચાણ માટે રાખ્યો હતો. આ ત્રણેયને વોન્ટેડ જાહેર કરી ઉધના પોલીસ મથકે ફરિયાદ નોંધાવાઇ છે.

(5:38 pm IST)
  • પંચમહાલ જિલ્લાનાગોધરાના ગદુકપૂર ગામમાં આવેલી બેન્ક ઓફ બરોડાની શાખામાં 3 જેટલા ઈસમોએ કર્યો ચોરીનો પ્રયાસ કર્યો હતો બેંકનો મુખ્ય દરવાજો તોડી બેંકમાં પ્રવેસી બેંકનું સેફ વોલ્ટ તોડવા જતા ઈમરજન્સી સાયરન વાગતા 3 ઈસમો ફરાર સાયરન વાગતા બેંકમાં રાખેલી રોકડ રકમની ચોરી અટકી છેબનાવને પગલે ગોધરા તાલુકા પોલીસે તપાસ હાથ ધરી છે access_time 3:56 pm IST

  • પેરિસમાં વિરોધ પ્રદર્શનને પગલે એફિલ ટાવર પ્રવાસીઓ માટે બંધ કરાયો :છેલ્લા એક દાયકામાં સૌથી ખરાબ હિંસાના માહોલને ધ્યાને લઈને ફ્રાન્સની સુરક્ષા વ્યવસ્થા મજબૂત કરવા પોલીસની સંખ્યા 65 હજારથી વધારીને 89 હજાર કરી દેવાઈ access_time 12:45 am IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST