Gujarati News

Gujarati News

News of Friday, 7th December 2018

મોડીરાત્રે અમદાવાદના ગોમતીપુરમાં અંગત અદાવતમાં બે રાઉન્ડ ફાયરિંગઃ યુવાનને ઈજા

અમદાવાદ: શહેરના ગોમતીપુર વિસ્તારમાં મોડી રાતે જૂની અદાવતને કારણે બે યુવકોએ એક યુવક પર એક રાઉન્ડ ફાયરીંગ કરીને મોતને ઘાટ ઉતારવાની કોશિશ કરતાં ચકચાર મચી છે.

  મોડી રાતે પોલીસના ઉચ્ચ અધિકારીઓ સહિત ગોમતીપુર પોલીસના કાફલાએ ઘટનાસ્થળે પહોંચીને તપાસ શરુ કરી હતી જ્યારે ઇજાગ્રસ્ત યુવકને સારવાર માટે વી.એસ.હોસ્પિટલમાં ખસેડવામાં આવ્યો છે. પોલીસે બે આરોપીઓ વિરુદ્ધમાં ગુનો દાખલ કરીને તપાસ શરૂ કરી છે. સ્થાનિક સૂત્રોના જણાવ્યા અનુસાર બે રાઉન્ડ ફાયરીંગ થયું છે જ્યારે પોલીસ એક રાઉન્ડ ફાયરીંગ થયંુ હોય તેવું કહી રહી છે.

ગોમતીપુર વિસ્તારમાં આવેલ નૂરભાઇ ધોબીની ચાલીમાં રહેતા મહંમદ સબીર ઉર્ફે રીઝવાન અંસારીએ ગોમતીપુર પોલીસ સ્ટેશનમાં બે શખ્સ વિરુદ્ધમાં ફરિયાદ કરી છે.ગત રાત્રી ૧ર.૩૦ની આસપાસ નૂરભાઈ ધોબીની ચાલી પાસે ર અજાણ્યા શખ્સો દ્વારા ફાયરિંગની કરવામાં આવ્યુ હતું, જેમાં એક યુવકના કાનના ભાગે ગોળી વાગતાં વીએસ હોસ્પિટલ ખાતે સારવાર હેઠળ ખસેડાયો છે.

નૂરભાઇ ધોબીની ચાલીમાં રહેતો ૩પ વર્ષીય મહંમદ મહેફુઝ ફતેહમહંમદ મનસૂરી તેના મિત્ર સાથે ચાની લારી પર ચા પી રહ્યા હતા તે સમયે નૂરભાઇની ચાલીમાં રહેતો સમીર ઉર્ફે સબ્બીર અલી શેખ અને ગોમતીપુરમાં રહેતો ભૂલનવાઝ સા‌િજદ અખ્તર બાઇક પર આવ્યા હતા અને મહેફુઝ પર બે રાઉન્ડ ફાયરિંગ કર્યું હતું.

(12:55 pm IST)
  • મહેસાણા : ઉત્તર ગુજરાત વીજ કંપનીમાં જુનીયર આસિસ્ટન્ટની ભરતીનો મુદ્દો :ભરતીમાં ગેરરીતિ હોવાની ફરિયાદ બાદ કલાર્કને સસ્પેન્ડ કરાયો :ઉમેદવારોએ જવાબદારો સામે પગલા ભરવાની માંગ સાથે હોબાળો મચાવ્યો access_time 3:21 pm IST

  • સુરત: ઉધના વિસ્તારમાં સ્ટેટ વિજિલન્સ દ્વારા દારૂની રેડનો કેસ :સુરત પોલીસ કમિશનર સતીશ શર્માએ ઉધના પીઆઇ એમપી પરમારને સસ્પેન્ડ કર્યા:સ્ટેટ વિજિલન્સ દ્વારા રેડ કરી 2 લાખ 24 હજારનો દારૂ જપ્ત કર્યો હતો access_time 12:04 am IST

  • પંચમહાલ જિલ્લાનાગોધરાના ગદુકપૂર ગામમાં આવેલી બેન્ક ઓફ બરોડાની શાખામાં 3 જેટલા ઈસમોએ કર્યો ચોરીનો પ્રયાસ કર્યો હતો બેંકનો મુખ્ય દરવાજો તોડી બેંકમાં પ્રવેસી બેંકનું સેફ વોલ્ટ તોડવા જતા ઈમરજન્સી સાયરન વાગતા 3 ઈસમો ફરાર સાયરન વાગતા બેંકમાં રાખેલી રોકડ રકમની ચોરી અટકી છેબનાવને પગલે ગોધરા તાલુકા પોલીસે તપાસ હાથ ધરી છે access_time 3:56 pm IST