Gujarati News

Gujarati News

News of Thursday, 6th December 2018

સુરતમાં હીરાના કારીગરોને પગારમાં 15 ટકા સુધીનો કાપ મુકવાની વાતચીતથી ખળભળાટ

સુરતમાં હીરાના કારીગરોને પગારમાં 15 ટકા સુધીનો કાપ મુકવાની વાતચીતથી ખળભળાટ

સુરત:હીરાના મેન્યુફેક્ચરર્સ કારીગરોના પગારમાં ૧૦ થી ૧૫ ટકાનો કાપ મૂકવાની પેરવી કરી રહ્યા હોવાથી ચણભણાટ વધી રહ્યો છે. શેઠિયાઓને દિવાળી ટાણે રૂપિયા ૬૦ થી ૭૦ લાખની મોંઘીદાટ ગાડીઓ ખરીદવામાં પૈસા ઓછા નથી પડતા. પણ, કારીગરોને મજૂરી ચુકવવાની વાત આવે ત્યારે પૈસા ઓછા પડે છે એવો ગણગણાટ પણ છે. રત્નકલાકાર સંઘને મજૂરીના દર ઘટાડાની જુદી જુદી વીસેક ફરિયાદો અત્યાર સુધી મળી છે.

હીરાના એકમો હજુ પૂર્વવત થયા નથી ત્યાં મજુરીના દરમાં કાપકૂપ કરાયાની ફરિયાદ અલગ-અલગ રીતે ઉઠી રહી છે. કારખાનાઓ જેમ-જેમ શરૂ થઈ રહ્યા છે તેમ તેમ  બીજી નાની મોટી ફેક્ટરીઓમાંથી પણ બબ્બે પાંચ-પાંચ કે દસ કારીગરોને છુટા કરાયાની ફરિયાદ ધીરે ધીરે બહાર આવી રહી છે, એમ  જયસુખ ગજેરાએ  જણાવ્યું હતું.

દિવાળી પહેલા નાના મોટા એકમો પાસે કામકાજ ઘણું ઓછું હતું. એથી મજૂરી પણ કારીગરોને ભાગે ઓછી આવી હતી. દિવાળી પછી હવે હીરાના એકામો ધીમે-ધીમે શરૂ થઇ રહ્યા છે, પણ પૂરતું કામ નહીં હોવાને કારણે સમસ્યાઓ ઉભી થઈ રહી છે. સામાન્ય રીતે દિવાળી પછી મજુરીના દરો વધી જતા હોય છે. કેમકે, દિવાળી પછી શરૂ થતા એકમોને કારીગરોની સમસ્યા નડતી હોવાથી, મજુરીના વધુ દરો ચૂકવીને કારીગરોને ખેંચી જવાની પ્રવૃત્તિ થતી હોય છે. પણ વેળાં  સ્થિતિ કંઇક જુદી છે.

(5:32 pm IST)
  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST