Gujarati News

Gujarati News

News of Thursday, 6th December 2018

ભરૂચ તાલુકા ભાજપ પ્રમુખની બર્થડે પાર્ટીમાં જાહેરમાં દારૂની મહેફિલ: વિડિઓ વાયરલ

હોટલ બહાર રાત્રે મહેફિલમાં નશામાં ચૂર :પીએમ મોદીની પણ મિમિક્રી કરી : અસભ્ય શબ્દોનો પણ પ્રયોગ કરાયો

ભરૂચ તાલુકા ભાજપ પ્રમુખની બર્થડે પાર્ટીમાં જાહેરમાં દારૂની મહેફિલ: વિડિઓ વાયરલ

ભરૂચ :ભરૂચ તાલુકા ભાજપના પ્રમુખની બર્થ ડે પાર્ટી નિમિત્તે દારૂની મહેફિલ માણતા નજરે પડતા હોવાનો એક વિડિઓ વાયરલ થયો છે જાહેર સ્થળ ઉપર દારૂની મહેફીલ માણવાનો આ વીડિયો જ દર્શાવે છે કે ગુજરાતમાં કેટલી કડક દારૂબંધી છે

   મળતી માહિતી પ્રમાણે ભરૂચ તાલુકાના ભાજપના પ્રમુખ દિવ્યજીતસિંહ રાજનો જન્મ દિવસ હતો તેમની બર્થડે પાર્ટી નિમિત્તે ભાજપના કેટલાક કાર્યકર્તાઓ જાહેર સ્થળ ઉપર દારૂની મહેફિલ માણતા નજરે ચડે છે. દારૂની મહેફીલ દરમિયાન પીએમ મોદીની મીમીક્રી પણ કરતા હતા.

   ભરૂચ નજીક આવેલી એક હોટલની બહાર રાતના સમયે દારૂની મહેફિલ યોજવામાં આવી હતી. સ્થાનિકે આ મહેફિલનો વીડિયો બનાવીને સોશિયલ મીડિયા ઉપર વાયરલ કરવામાં આવ્યો હતો
   નશામાં ચકચુર રોહિત નિઝામાએ તો વડાપ્રધાન નરેન્દ્ર મોદીની સ્ટાઇલમાં મીમીક્રી કરી હતી. સોશિયલ થયેલા વીડીયોમાં તેઓ વડાપ્રધાનની સ્ટાઇલમાં મિત્રો, આ બર્થ ડે અમુક માટે જ છે, બીજા માટે નથી તેમ કહી અસભ્ય શબ્દોનો પ્રયોગ કરતાં જણાઇ રહયાં છે. જયાં એક તરફ રાજયમાં દારુબંધીનો કડક અમલ થઇ રહયો છે ત્યાં ખુદ ભાજપના આગેવાનો જ તેના લીરા ઉડાવી રહયાં છે.

(2:34 pm IST)
  • છોટાઉદેપુર ખાતે આવેલી લાંચ રૂશ્વત કચેરી માં ઘરફોડ ચોરી થઈ છેતસ્કરો દરવાજા ના ન્કુચા તોડી ઑફિસ માં પ્રવેશી તીજોરી માંથી 55, 000 રોકડા પાવડર વાળી નોટો લઇ ગયા છેતેમજ ગુનાના કામે વપરાયેલ કવર જેમા લાંચ રૂશ્વત માં પકડાયેલા આરોપી ઓ ના જવાબના કવરો પણ ફાડી ને લઇ ગયા છે access_time 3:56 pm IST

  • ૬ રાજયોના પેપર લીક થયાનું ખુલ્યુ : વધુ ૩થી ૪ શંકાસ્પદની અટકાયત : એટીએસની તપાસ : યશપાલ સહિત ૩ આરોપીઓને કોર્ટમાં લઈ જવાયા : પોલીસ ૧૪ દિવસના રિમાન્ડની માંગણી કરશે : મોબાઈલ કોલ ડિટેઈલની પણ તપાસ કરાશે access_time 3:27 pm IST

  • પેરિસમાં વિરોધ પ્રદર્શનને પગલે એફિલ ટાવર પ્રવાસીઓ માટે બંધ કરાયો :છેલ્લા એક દાયકામાં સૌથી ખરાબ હિંસાના માહોલને ધ્યાને લઈને ફ્રાન્સની સુરક્ષા વ્યવસ્થા મજબૂત કરવા પોલીસની સંખ્યા 65 હજારથી વધારીને 89 હજાર કરી દેવાઈ access_time 12:45 am IST