Gujarati News

Gujarati News

News of Monday, 7th October 2019

ભિલોડાના કિશનગઢની બે સગી બહેનો ઇન્દ્રાસી નદીમાં ડૂબી જતા મોત : પરિવારજનોમાં આક્રંદ

પશુઓને નદી કિનારે પાણી પીવડાવવા જતા પગ લપસતાં પાણીમાં ગરકાવ

ભિલોડા તાલુકાના કિશનગઢ ગામની બે સગી બહેનો પશુઓને નદી કિનારે પાણી પીવડાવવા જતા પગ લપસતાં પાણીમાં ગરકાવ થઈ ગઇ હતી. આજુબાજુથી દોડી આવેલા લોકોએ અને સ્થાનિક તરવૈયાઓ બંને બહેનના મૃતદેહને નદીમાંથી બહાર કાઢતા પરિવારજનોને આક્રંદ કરી મુકતા વાતાવરણમાં ભારે ગમગીની છવાઈ હતી.

કિશનગઢ ગામની રિતિકા કલાસાવા (ઉં.૧૫ વર્ષ) અને ચંદ્રિકાબેન કલાસાવા (ઉં.૧૩ વર્ષ) બપોરે તેમના પશુઓને ગામ નજીકથી પસાર થતી ઇન્દ્રાસી નદીમાં પાણી પીવડાવવા પહોંચી હતી. જેમાં નાની બહેન ચંદ્રિકાનો પગ નદીમાં લપસતાં નદીના પાણીમાં ડૂબતા નાની બહેનને બચાવવા જતા રિતિકા પણ પાણીમાં ગરકાવ થઈ જતા બંને બહેનોનું પાણીમાં ડૂબી જતા મોત થયાં હતાં. પરિવારજનો, ગામલોકોએ સ્થાનિક તરવૈયાઓની મદદ થી બંને બહેનોને નદીમાંથી કાઢતા પરિવારજનોએ આક્રંદ કરી મૂક્યું હતું.

(8:45 pm IST)
  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • કેશોદ તાલુકાના અજાબ ગામે વિજળી પડતા મહિલાનું મોત પુરૂષ ગંભીર access_time 8:01 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST