Gujarati News

Gujarati News

News of Monday, 7th October 2019

વડોદરાના ડભોઈમાં ધારાસભ્યની પુત્રીની કાર પર હુમલો : વાહન ટકરાતા સાત શખ્સોની તોડફોડ :દંપતીની ધરપકડ

ધારાસભ્ય શૈલેષ મહેતાએ કહ્યું દાંડીયા બજારમાં અવાર-નવાર યુવતીઓની છેડતી થાય છે. પોલીસ નિષ્ક્રિય

વડોદરાના ડભોઈમાં ધારાસભ્યની પુત્રીની કાર પર હુમલાની ઘટના બનતા વિવાદ સર્જાયો છે. પોલીસે હુમલો કરનાર દંપતીની ધરપકડ કરી છે જયારે ધારાસભ્યએ પોલીસની કામગીરી પર સવાલો ઉઠાવ્યા હતા.

    આ અંગે મળતી વિગત મુજબ ડભોઈના ભાજપના ધારાસભ્ય શૈલેષ મહેતાની પુત્રી પર હુમલાની ઘટના સામે આવી છે.શૈલેષ મહેતાની પુત્રી રતી મહેતા જ્યારે દાંડિયા બજાર ચાર રસ્તા પાસેથી પસાર થઈ રહી હતી. તે દરમિયાન અન્ય વાહન સાથે તેની કાર અથડાઈ હતી. જેને લઈને તકરાર થયા બાદ મામલો વધુ ગરમાતા 7 જેટલા શખ્સોએ તેના પર હુમલો કર્યો હતો. તેની કારના કાચ તોડી નાખ્યા હતા

   ધારાસભ્ય શૈલેષ મહેતાએ કહ્યું કે, દાંડીયા બજારમાં અવાર-નવાર યુવતીઓની છેડતી થાય છે. પોલીસ નિષ્ક્રિય હોવાથી આ પ્રકારની ઘટનાઓ ઘટી રહી છે. પરંતુ સવાલ એ થાય છે કે, હુમલાના આરોપમાં ધરપકડ એક દંપત્તિની કરવામાં આવી છે. શું દંપત્તિ તેની પુત્રીની છેડતી કરતા હતા. અહીં એવું તો નથીને કે, ધારાસભ્ય પોતાની પુત્રીની ભૂલને છુપાવવા માટે આ પ્રકારના નિવેદન આપી રહ્યા છે.

(8:07 pm IST)
  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST

  • ઓસ્ટ્રેલિયા ખાતેના ભારતના રાજદૂત તરીકે શ્રી અનુમુલા ગીતેશ સરમા ની નિમણુંક : ટૂંક સમયમાં હોદ્દો સંભાળશે access_time 8:10 pm IST