Gujarati News

Gujarati News

News of Monday, 7th October 2019

આણંદ નજીક વિદ્યાનગરમાં મંદિરમાં સફાઈ કરતા કામદારોને ત્રણ અજાણ્યા શખ્સોએ અપમાનિત કરી ઢોરમાર મારતા ગુનો દાખલ

આણંદ: નજીક આવેલા વિદ્યાનગરના ઈસ્કોન મંદિરમાં સફાઈ કામદાર તરીકે ફરજ બજાવી રહેલા એક કર્મી સાથે મંદિરનો વહિવટ કરતાં ત્રણ શખ્સોએ અપમાનિત કરીને માર મારી વચ્ચે પડનાર બેને પણ એક રૂમમાં ગોંધી રાખીને લાકડાના ડંડાથી માર મારતાં ત્રણેયને સારવાર માટે કરમસદની શ્રીકૃષ્ણ હોસ્પિટલમાં લઈ જવાયા હતા. અંગે વિદ્યાનગર પોલીસે એટ્રોસીટી એક્ટ મુજબ ગુનો દાખલ કરીને કાર્યવાહી હાથ ધરી છે.

મળતી વિગતો અનુસાર બાંધણી ગામે રહેતા ફરિયાદી સંજયકુમાર પ્રકાશભાઈ હરિજન વિદ્યાનગર ઈસ્કોન મંદિર ખાતે સફાઈ કર્મચારી તરીકે નોકરી કરે છે. આજે નવ વાગ્યાની જગ્યાએ તે નોકરી પર સાડા અગિયાર વાગ્યાના સુમારે જતાં મંદિરનો વહિવટ કરતાં યાજ્ઞીક ગુપ્તા (યુગા અવતાર), સંકેત (સિદ્ઘાર્થ શિરોમણી)તથા જયનીતા ઉર્ફે જગદીશ દ્વારા અપમાનજનક ભાષાનો પ્રયોગ કરીને તુ નોકરીમાં મોડો કેમ આવું છુ, તેમ જણાવીને તેની સાથે રાજેશભાઈ બુધાભાઈ પરમાર (બામરોલ)અને દિનેશભાઈ ધનજીભાઈ પરમારને ઈસ્કોન મંદિરના ત્રીજા માળે આવેલી રૂમો સાફ કરાવી હતી. ત્યારબાદ ત્રણેયને મંદિરમાં સ્ટુડિયોની બાજુમાં આવેલી રૂમમાં બોલાવ્યા હતા અને ઉક્ત ત્રણેય જણાએ સંજયકુમારને ગમે તેવી ગાળો બોલીને મંદિરની રૂમ નંબર ૧૦૬ માંથી હજાર ચોરી કરી લીધા છે તેવો આક્ષેપ કરીને લાકડાના ડંડાથી તેમજ લાતોથી માર માર્યો હતો.

(6:04 pm IST)
  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • કેશોદ તાલુકાના અજાબ ગામે વિજળી પડતા મહિલાનું મોત પુરૂષ ગંભીર access_time 8:01 pm IST