Gujarati News

Gujarati News

News of Monday, 7th October 2019

ગેહલોતના દારૂ અંગેના નિવેદનથી ભાજપને પેટાચૂંટણીમાં કોંગ્રેસ વિરોધી 'પેગ' મળ્યો !

ગુજરાતમાં ઘરે-ઘરે દારૂ પીવાતો હોવાના આરોપથી ભડકો

રાજકોટ, તા. ૭ :. રાજસ્થાનના કોંગ્રેસી મુખ્યમંત્રી અશોક ગેહલોતે ગુજરાતમાં ઘરે-ઘરે દારૂ પીવાતો હોવાના મતલબનું નિવેદન કરતા ભાજપે તેનો જોરદાર વિરોધ કરી કોંગ્રેસને બચાવની સ્થિતિમાં મુકવાનો પ્રયાસ કર્યો છે. રાજ્યમાં ખેરાલુ, અમરાઈવાડી, લુણાવાડા, થરાદ, રાધનપુર વગેરે સહિત ૬ મત ક્ષેત્રમાં તા. ૨૧મીએ વિધાનસભાની પેટાચૂંટણી છે. તેનો પ્રચાર અત્યારે જોરશોરથી ચાલી રહ્યો છે તેવા ટાણે જ ગેહલોતના નિવેદનથી ભાજપને કોંગ્રેસ વિરોધી પ્રચારનો જાણે રાજકીય પેગ મળી ગયો છે.

અશોક ગેહલોત જેવા સિનીયર નેતાએ ગુજરાતમાં ઘરે ઘરે દારૂ પીવાતો હોવાનુ નિવેદન કયા સંદર્ભમાં અને કયા હેતુથી કર્યુ છે ? તેનો જવાબ તો તેઓ ખુદ જ આપી શકે. અત્યારે તો તેમના આ નિવેદને કોંગ્રેસને બચાવની સ્થિતિમાં મુકી દીધી છે. ગુજરાતમાં દારૂબંધી છે. રાજ્ય સરકારે દારૂ અંગેના કાયદા કડક કર્યા છે. દારૂબંધીના કારણે ગુજરાતની તિજોરી પર અસર છે. ગાંધીનું ગુજરાત હોવાથી સરકારે શાંતિ સલામતીના ભોગે દારૂને પરવાનગી નહિ આપવાનંુ વલણ અપનાવ્યુ છે. જો કે દારૂબંધી હોવા છતાં અવારનવાર દારૂ અને દારૂડીયા પકડાઈ છે તે અલગ બાબત છે. ગેહલોતના નિવેદન પાછળ કોનું શું રાજકારણ છે ? તે તપાસનો વિષય છે. અત્યારે તો તેમના નિવેદનથી રાજકીય માહોલ ગરમાઈ ગયો છે. મુખ્યમંત્રી તથા ભાજપના પ્રવકતાએ ગેહલોતના આ નિવેદનને ગુજરાતની પ્રજાના અપમાન સમાન ગણાવ્યુ છે. નિવેદન જે રીતે પ્રસ્તુત થયુ છે તે લોકલાગણી પર મોટી અસર કરી શકે તેમ છે. ૬ વિધાનસભા બેઠકોની પેટાચૂંટણી ગાજી છે ત્યારે જ કોંગ્રેસી નેતાના નિવેદનથી ભાજપને પ્રચારનો મજબુત મુદ્દો મળી ગયો છે. ભાજપે ગેહલોત માફી માગે તેવી માંગણી કરી છે. આ મામલે ભાજપ લોકમત બળવત્તર બનાવવા નિવેદનને રાજકીય રીતે અનુરૂપ ઘાટ આપી પ્રચારના કાર્યક્રમો આપે તેવી સંભાવના નકારાતી નથી.

(3:48 pm IST)
  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST

  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST