Gujarati News

Gujarati News

News of Saturday, 7th July 2018

યુવતીને આપઘાત કરવા મજબુર કરનાર અજાણ્યા 'ભૂત' સામે કોઇ ગુન્હો દાખલ થયો નથીઃ માત્ર અફવાઃ સૌરભ તોલંબીયા

સોશ્યલ મીડીયામાં વાયરલ થયેલ ચર્ચાનું વડોદરા એસપી દ્વારા ભારપુર્વક ખંડન

રાજકોટ, તા., ૭: ગુજરાતના પોલીસ તંત્રના ઇતિહાસમાં કદી કોઇ પોલીસ મથકે ન નોંધાઇ હોય તેવી ફરીયાદ નોંધાયાની ચર્ચા સોશ્યલ મીડીયામાં વાયરલ થતા જ ખળભળાટ મચવા સાથે, ખરેખર આ ઘટનામાં સત્ય શું છે? તે જાણવા લોકોની સાથે પોલીસ તંત્રની પણ ઉત્કંઠા એટલી હદે વધી છે કે મામલો 'હોટ ટોપીક' બની ગયો છે.

આટલી પ્રસ્તાવના બાદ એ ઘટના શું છે ? તે જાણવા જેઓને આ ઘટનાની જાણ નથી તેથી ઉત્કંઠા વધે તે સ્વભાવીક છે. બન્યુ છે એવું કે, વડોદરા જીલ્લાના પાદરા તાલુકાના ચોંકારી ગામની મનીષા પઢીયારે પોતાના શરીર પર કેરોસીન છાંટી અને દિવાસળીથી પોતાની જાતને જલાવવાનો પ્રયત્ન કર્યો હતો. યુવતીને તાકીદે સારવાર મળેતે માટે વડોદરા એસએસજી હોસ્પિટલમાં ખસેડવામાં આવેલ.

રૂટીન મુજબ યુવતીનું નિવેદન નોંધવા પોલીસ હોસ્પીટલે પહોંચી ત્યારે તેણીએ ધડાકા જેવું નિવેદન કરતા જણાવ્યું કે પોતે જે આપઘાતનો પ્રયાસ કર્યો તે માટે તેણીને એક અજાણ્યા ભુતે મજબુર કરી. તેણીએ નિવેદનમાં વિશેષમાં જણાવ્યું કે મને મરી જવા મજબુર કરનાર એ અજાણ્યા ભુતના આદેશ મુજબ પોતે શરીર પર કેરોસીન છાંટયું અને એ ભુતના આદેશ મુજબ જ દીવાસળી ચાંપી જાત જલાવવા પ્રયાસ કર્યો. આ ઘટના બાદ સોશ્યલ મીડીયામાં એવી ચર્ચા વાઇરલ થઇ કે પોલીસે અજાણ્યા ભુત સામે ગુન્હો દાખલ કર્યો છે. જો કે યુવતીના પરિવારે પોલીસને એવું જણાવ્યું કે અમારી પુત્રીએ તેણીના સાસરીયાના કહેવાથી આપઘાતનો પ્રયાસ કર્યો છે. તેણીના સાસરીયાએ જ ભુતની આખી સ્ટોરી ઉભી કરી છે. જો કે પોલીસને યુવતીની માનસિક હાલત બરોબર ન હોવાનું જણાયું છે.

ગુજરાતભરમાં પોલીસે અજાણ્યા ભુત સામે દાખલ કરેલ ફરીયાદ (ગુન્હો) બાબતે અને વાઇરલ થયેલી ચર્ચા અંગે વડોદરા રૂરલના કાર્યદક્ષ એસપી સૌરભ તોલંબીયાનો સંપર્ક સાધતા તેઓએ અકિલ સાથેની વાતચીતમાં પોતાના તાબા હેઠળના કોઇ પણ પોલીસ મથકમાં આ પ્રકારનો ગુન્હો ન નોંધાયાનું ભારપુર્વક જણાવ્યું હતું. તેઓએ જણાવેલ કે આ ચર્ચા માત્ર ને માત્ર અફવા છે. અજાણ્યા ભુત સામેની કોઇ ફરીયાદ અંગે ખોટી અફવા લોકોએ ન માનવા પણ તેઓએ અકિલાના માધ્યમથી વિનંતી કરી છે.

(1:35 pm IST)
  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • અમારી સરકારમાં કોઈ યોજનાઓ લટકતી-ભટકતી-અટકતી નથીઃ રાજસ્‍થાનમાં ૨૧૦૦ કરોડની યોજનાઓનો શિલાન્‍યાસ કરતા મોદીઃ જંગી રેલીને સંબોધનઃ કોંગ્રેસ ઉપર પ્રહારો access_time 4:26 pm IST