Gujarati News

સુરતના કેબલ સ્ટેઈડ બ્રિજ પર ડેકોરેશન માટે લગાવાયેલી એલઈડી લાઈટ ચોરી થઇ છે  4.50 લાખની લાઈટની ચોરી કરવામાં આવી હોવાની પોલીસ સ્ટેશનમાં મનપા દ્વારા અરજી કરવામાં આવી છે.

  આ અંગે મળતી વિગત મુજબ સુરત બ્રિજ પર કેટલી લાઈટીંગનો કલર ન આવતો હોવાની ફરિયાદ ઉઠતા મનપા દ્વારા તપાસ કરવામાં આવી હતી. એલઈડી લાઈટ ન દેખાતા સુરત મહાનગર પાલિકાએ આ મામલે અડાજણ પોલીસ સ્ટેશન માં અરજી કરી હતી.

  પોલીસ તપાસ કરતા 4.50 લાખની એલઇડી લાઈટ ચોરી થવાનું સામે આવ્યું હતું. ઉલ્લેખનીય છે કે, 2 ઓક્ટોબર 2018ના રોજ મુખ્યમંત્રી વિજય રૂપાણીના હસ્તે બ્રિજનું લોકાર્પણ કરવામાં આવ્યું હતું હાલ આ મામલે અડાજણ પોલીસે અરજીના આધારે વધુ તપાસ હાથ ધરી છે.