Gujarati News

Gujarati News

News of Friday, 7th June 2019

વસ્ત્રાલ : આઇશર પાછળ ગાડી ઘૂસી જતા એકનું મોત

અકસ્માતમાં બે ગંભીર રીતે ઘાયલ

અમદાવાદ, તા.૬ :      શહેરના સરદાર પટેલ રિંગ રોડ પર ઓઢવથી વસ્ત્રાલ જતા રિલાયન્સ પેટ્રોલપંપ સામે આજે વહેલી સવારે સ્વીફટ કારચાલકે રોડની સાઈડમાં ઉભેલી આઇસર ગાડીની પાછળ કાર ઘૂસાડી દેતા અકસ્માત સર્જાયો હતો. જેમાં એક વ્યક્તિનું ઘટનાસ્થળે જ મોત નીપજ્યું હતું. જ્યારે અન્ય બે વ્યક્તિને ગંભીર ઇજાઓ પહોંચી હતી. જેને પગલે તેઓને સારવાર માટે સિવિલ હોસ્પિટલમાં ખસેડવામાં આવ્યા હતા. સરદાર પટેલ રિંગરોડ પર એક આઇશર ગાડી ઉભી હતી ત્યારે પૂરપાટ ઝડપે આવેલા સ્વીફ્ટ કારના ચાલકે કાબુ ગુમાવતા કાર ગાડી પાછળ ઘુસી ગઈ હતી. ફાયરબ્રિગેડની ટીમને જાણ કરવામાં આવતા તેઓએ એક વ્યક્તિને બહાર કાઢી હોસ્પિટલમાં મોકલ્યો હતો. પોલીસ સૂત્રોના જણાવ્યા મુજબ, કારમાં બેઠેલા શખ્સ બોટાદ બાજુના રહેવાસી છે. જે ડિવિઝન ટ્રાફિક પોલીસે હોસ્પિટલમાં પોહચી મૃતક અને ઇજાગ્રસ્ત અંગે તપાસ શરૂ કરી છે. અકસ્માતને પગલે ઘટનાસ્થળે લોકોના ટોળેટોળા ઉમટી પડયા હતા. જો કે, એક વ્યકિતને મોતને લઇ સ્થાનિકોમાં ભારે અરેરાટીની લાગણી પ્રસરી ગઇ હતી.

(8:13 pm IST)
  • બજેટ પછી તુરત ઇવી પોલીસી જાહેર કરશે મોદી સરકાર : એપ્રિલ ૨૦૨૬થી કોર્મશીયલ વપરાશ માટે વેચાણ થનાર તમામ મોટરકારો ફરજીયાત પણે ઇલેકટ્રીક કાર હશેઃ ઉબેર અને ઓલા ટેકસીઓને તેની ૪૦ ટકા મોટરકારો એપ્રિલ ૨૦૨૬ સુધીમાં ઇલેકટ્રીક કારમાં રૂપાંતરીત કરવાના સરકાર હુકમો કરશે. કેન્દ્રીય બજેટ પછી મોદી સરકાર તુરત ઇવી-ઇલેકટ્રીક વ્હીકલ પોલીસી જાહેર કરશે access_time 1:22 pm IST

  • સુરતના કેબલબ્રીજમાંથી એલઈડી લાઈટની ચોરી ડેકોરેશન માટે બ્રીજમાં લગાવવામાં આવેલી ૪ાા લાખની એલઈડી લાઈટ ચોરાયાની અડાજણ પોલીસને મહાનગરપાલિકાએ કરી જાણ : ચોરી બાબતે તપાસ શરૂ access_time 6:17 pm IST

  • વિધાનસભામાં રોજગારી મુદે મોટી જાહેરાતની સંભાવના : સ્કીલ ડેવલપમેન્ટ, એમ્પ્લોઇમેન્ટ મિશનની સત્રમાં થશે જાહેરાતઃ સીએમ રૂપાણી અને ચીફ સેક્રેટરીની દેખરેખમાં થશે કામગીરીઃ બી.એ., બી.કોમ, બી.એસ.સી. પાસ યુવાનોને આપણે રોજગારની તકઃ આઇટીની જેમ ગ્રેજયુએટ યુવાનો માટે ઉભી કરવામાં આવશે તકઃ રાજયમાં બેરોજગારીનો મુદો ગંભીર બનતા કેન્દ્રસામે રાજય એકશનમાં : વિધાનસભા અને લોકસભામાં બેરોજગારી મુદ્દો બન્યો ગંભીર access_time 4:14 pm IST