Gujarati News

Gujarati News

News of Thursday, 7th June 2018

સુરતમાં અમરેલી પંથકનાં મોટા સસરા, વહુ અને પૌત્રનું મોત

બાઈક ઉપર શાળામાં એડમિશન માટે જતા હતા ત્યારે સરથાણા વિસ્તારમાં ડમ્પરે હડફેટે લેતા અકસ્માત સર્જાયો

રાજકોટ, તા. ૭ :. સુરતના સરથાણા વિસ્તારમાં બાપા સીતારામ ચોક નજીક ડમ્પર અને બાઈક વચ્ચે ગમખ્વાર અકસ્માત સર્જાયો હતો. જેમાં બાઈક પર શાળામાં એડમિશન માટે જઈ રહેલા ત્રણ લોકો પૈકી મોટા સસરા, વહુ અને તેમના પૌત્ર રોડ ઉપર ફંગોળાતા આધેડનું ઘટના સ્થળે મોત નિપજ્યુ હતું.

જ્યારે ગંભીર રીતે ઈજાગ્રસ્ત થયેલા માતા-પુત્રને સારવાર માટે નજીકની હોસ્પીટલ ખસેડાતા તબીબોએ માતા-પુત્રને પણ મૃત જાહેર કર્યા હતા.

આ અંગે મળતી વિગત મુજબ સુરતના સરથાણા વિસ્તારમાં જ યોગી ચોક ખાતે આવેલી યોગીદર્શન સોસાયટીમાં રહેતા અને મૂળ અમરેલી જિલ્લાના વતની લાલજીભાઈ ભગવાનજીભાઈ રાદડીયા તેમના નાના ભાઈના દીકરાની વહુ અને તેના પુત્રને લઈને શાળામાં એડમિશન માટે બાઈક ઉપર જઈ રહ્યા હતા. આ દરમિયાન સરથાણા વિસ્તારમાં આવેલા બાપા સીતારામ ચોક નજીકથી પસાર થતા ડમ્પર નંબર જીજે ૦૫ બીવાય ૬૮૬૨ના ચાલકે બાઈકને હડફેટે લીધી હતી. જેમાં બાઈક ચાલક લાલજીભાઈનું ઘટના સ્થળે જ મોત નિપજ્યુ હતું. જ્યારે હેતલબેન વિજયભાઈ રાદડીયા અને પુત્ર મંત્રને સારવાર માટે ૧૦૮ મારફતે ખાનગી હોસ્પીટલમાં ખસેડવામાં આવ્યા હતા. જ્યાં ટૂંકી સારવાર દરમિયાન બન્નેના મોત નિપજયા હતા.

(11:48 am IST)
  • શેરબજારમાં જોરદાર શરૂઆત: સેન્સેક્સ અને નિફ્ટીમાં 0.5 ટકાથી વધારેનો ઉછાળો: મિડકેપ અને સ્મૉલકેપ શેરોમાં પણ વધારો:બેન્કિંગ, ઑટો, આઈટી, મેટલ, રિયલ્ટી, કેપિટલ ગુડ્ઝ, ઑયલ એન્ડ ગેસ અને પાવર શેરોમાં લેવાલી:સેન્સેક્સ 238 અંક વધીને 35417ના સ્તરે: નિફ્ટી 71 અંક વધીને 10756ની સપાટીએ access_time 10:45 am IST

  • રાજકોટનાં નવા મેયર, ડે.મેયર, સ્ટેન્ડિંગ કમિટીના ચેરમેનની પસંદગી કરવા માટે મ્યુનીસીપલ કોર્પોરેશનની જનરલ બોર્ડની બેઠક તા. 15મીએ સવારે ૧૧ વાગ્યે મળશે : સાથે જુદી-જુદી ૧૫ કમિટીઓના સભ્યોની પણ નિમણુક કરાશે access_time 11:58 am IST

  • આવતા ૭૨ કલાકમાં દક્ષિણ સૌરાષ્ટ્ર અને દક્ષિણ ગુજરાતમાં વરસાદની આગાહી access_time 12:33 pm IST