Gujarati News

Gujarati News

News of Thursday, 7th June 2018

સુરતના સરથાણામાં ડમ્પરે બાઇકને અડફેટે લેતા મૂળ અમરેલી જિલ્લાના ત્રણના મોત

શાળાએ એડમિશન લેવા જતા મોટા સસરા,વહુ અને પૌત્રના કરૂણમોત

સુરતના સરથાણા વિસ્તારમાં બાપા સીતારામ ચોક નજીક ડમ્પર અને બાઈક વચ્ચે ગમખ્વાર અકસ્માત સર્જાયો હતો.જેમાં બાઈક પર શાળામાં એડમિશન માટે જઈ રહેલા ત્રણ લોકો પૈકી મોટા સસરા, વહુ અને તેમના પૌત્ર રોડ ઉપર ફંગોળાતાં આધેડનું ઘટના સ્થળે મોત નીપજ્યું હતું. જ્યારે ગંભીર રીતે ઈજાગ્રસ્ત થયેલા માતા-પુત્રને સારવાર માટે નજીકની હોસ્પિટલ ખસેડાતાં તબીબોએ માતા-પુત્રને પણ મૃત જાહેર કર્યા હતાં.

  અંગે મળતી વિગત મુજબ સુરતનાં રસથાણ વિસ્તારમાં જ યોગીચોક ખાતે આવેલી યોગીદર્શન સોસાયટીમાં રહેતા અને મૂળ અમરેલી જિલ્લાના વતની લાલજીબાઈ ભગવાનભાઈ રાદડીયા તેમના નાના ભાઈના દીકરાની વહુ અને તેના પુત્રને લઈને શાળામાં એડમિશન માટે બાઈક ઉપર જઈ રહ્યાં હતાં. આ દરમિયાન સરથાણા વિસ્તારમાં આવેલા બાપા સીતારામ ચોક નજીકથી પસાર થતાં ડમ્પર નંબર જીજે 05 બીવાય 6862ના ચાલકે બાઈકને અડફેટે લીધી હતી. જેમાં બાઈક ચાલક લાલજીભાઈનું ઘટના સ્થળે જ મોત નીપજ્યું હતું. જ્યારે હેતલબેન વિજય રાદડીયા અને પુત્ર મંત્રને સારવાર માટે 108 મારફતે ખાનગી હોસ્પિટલમાં ખસેડવામાં આવ્યાં હતાં. જ્યાં ટૂંકી સારવાર દરમિયાન બન્નેના મોત નીપજ્યાં હતાં.

(9:31 pm IST)
  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST

  • ઝારખંડ : પોલીસ-નકસલીઓ વચ્ચે ઘર્ષણ : અંધાધુંધ ફાયરિંગ કરાતા બે જવાનો શહીદ access_time 3:48 pm IST

  • મોડીરાત્રે પૂર્વ કાશ્મીરમાં 5,1ની તીવ્રતાનો જોરદાર ભૂકંપ access_time 1:10 am IST