Gujarati News

Gujarati News

News of Thursday, 7th June 2018

સુરતના બારડોલી તાલુકાના અકોટી ગામમાં આડાસંબંધની શંકામાં પતિના હાથે પત્નીની હત્યા

સુરતઃ સુરત જિલ્લાના બારડોલી તાલુકાના અકોટી ગામે વળી ફળીયામાં રહેતા લતા બહેનનો મૃતદેહ તેના જ ઘરમાંથી મળી આવ્યો હતો. જેથી સમગ્ર ઘટનાની જાણ પોલીસને કરવામાં આવી હતી. જેમાં તપાસ દરમિયાન પરણિતાના શરીર પરથી ઈજાના નિશાન મળી આવ્યા હતા. જેથી પોલીસે પરણિતાના મૃતદેહને પીએમ માટે ખસેડીને તપાસ શરૂ કરી હતી.

સમગ્ર ઘટના મામલે પોલીસે મૃતક પરણિતાના પતિ બકુલની અટકાયત કરીને આકરી પૂછપરછ શરૂ કરી હતી. જેમાં ચોંકવનારૂં કારણ બહાર આવ્યું હતું. કારણ એવું હતું કે પતિ બકુલ પરણિતા પર આડા સંબંધોનો આરોપ લગાવતો હતો. જેથી બંને વચ્ચે અવારનવાર ઝઘડો થતો હતો. જેમાં રોષે ભરાયેલા પતિએ તીક્ષ્ણ હથિયાર વડે પત્ની પર હુમલો કર્યો હતો અને મોતને ઘાટ ઉતારી હતી.

મહત્વનું છે કે આ બંનેએ 3-4 વર્ષ પહેલા પ્રેમ લગ્ન કર્યા હતા. પરંતુ છેલ્લા થોડા સમયથી બંને વચ્ચે અવારનવાર ઝઘડો થતો હતો. જેને લઈને રોષે ભરાયેલા પતિએ પત્નીની હત્યા કરી કરી હતી. હાલ તો પોલીસે આરોપી પતિની ધરપકડ કરીને આગળની તપાસ હાથ ધરી છે.

(7:20 pm IST)
  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST

  • આવતા ૭૨ કલાકમાં દક્ષિણ સૌરાષ્ટ્ર અને દક્ષિણ ગુજરાતમાં વરસાદની આગાહી access_time 12:33 pm IST

  • રાજકોટનાં નવા મેયર, ડે.મેયર, સ્ટેન્ડિંગ કમિટીના ચેરમેનની પસંદગી કરવા માટે મ્યુનીસીપલ કોર્પોરેશનની જનરલ બોર્ડની બેઠક તા. 15મીએ સવારે ૧૧ વાગ્યે મળશે : સાથે જુદી-જુદી ૧૫ કમિટીઓના સભ્યોની પણ નિમણુક કરાશે access_time 11:58 am IST