Gujarati News

Gujarati News

News of Sunday, 7th March 2021

રાજપીપળા-પોઇચા ફોર લેન માર્ગ બનાવા માટે તંત્ર દ્વારા હિટાચી મશીન દ્વારા રોડ પહોળો કરવાની કામગીરી શરૂ

વારંવાર તકલાદી કામના કારણે બંધ કરવામાં આવતા પોઇચા પુલની કમગીરી ગોકળગાય ની ગતિએ ચાલતી હોય ઝડપી કામ પૂર્ણ કરવા માંગે

(ભરત શાહ દ્વારા) રાજપીપળા : રાજપીપળા થી વડોદરાને જોડતા શોર્ટકટ પોઇચા પુલની તકલાદી કામગીરી થતા છાસવારે આ પુલ મરામત માટે મહિનાઓ સુધી ભારે વાહનો માટે બંધ રાખવામાં આવે છે ત્યારે હાલમાં પણ લાંબા સમયથી આ પુલ બંધ હોય છતાં ગોકળગાય ની ગતિએ ચાલતી પુલની કામગીરી સમય મર્યાદામાં પૂર્ણ થશે કે લોકો એ હજુ વધુ હેરાન થવું પડશે તે તો સમય જ બતાવશે પરંતુ તંત્ર દ્વારા હાલમાં યુદ્ધના ધોરણે રાજપીપળા થી પોઇચા રોડ ફોર લેન બનાવા માટે કમગીરી શરૂ કરવામાં આવી છે.
રાજપીપળા થી પોઇચા તરફનો ફોર લેન માર્ગ બનાવવા હાલમાં તંત્ર દ્વારા હિટાચી મસીન થી રસ્તા નું કામ શરૂ કરવામાં આવ્યું છે એ મશીન દ્વારા રોડની બંને તરફ માર્ગ પહોળો કરવાની કામગીરી ચાલી રહી છે જે અત્યારે  રાજપીપળા થી રસેલા સુધી પહોચી છે.ત્યારે રાજપીપળા થી વડોદરા જતાં પોઇચા પુલનું કામ પણ ઝડપથી પૂર્ણ કરવામાં આવે તેવી માંગ ઉઠી છે.

(11:06 pm IST)
  • રાજકોટ એરપોર્ટ ઉપર રાજકોટ અને હૈદરાબાદને જોડતી પહેલી સીધી ફ્લાઇટનું ભવ્ય રીતે વોટર તોપની સલામી વડે આજે સ્વાગત કરવામાં આવ્યું હતું. તમામ આગમન કરનારા અને મુસાફરોને મીઠાઇ સાથે મીઠું મોઢું કરાવવામાં આવ્યું હતું. ફ્લાઇટના ક્રૂ મેમ્બર્સનું ફૂલ ગુચ્છથી સ્વાગત કરાયું હતું. access_time 12:30 pm IST

  • રાષ્ટ્રવ્યાપી લોકમતના પગલે સ્વિટ્ઝર્લન્ડે જાહેરમાં ચહેરા પરના આવરણ સહિત મુસ્લિમ મહિલાઓ દ્વારા પહેરવામાં આવતા 'બુર્કા' અથવા 'નિકાબ' પર પ્રતિબંધ મૂકવાની તરફેણમાં જનમત આપ્યો છે. access_time 10:59 pm IST

  • વડાપ્રધાન નરેન્દ્ર મોદી રવિવારે જન ઔષધિ દિનની ઉજવણીને સંબોધન કરશે અને આ પ્રસંગે ઇંદિરા ગાંધી પ્રાદેશિક આરોગ્ય અને મેડિકલ ઇન્સ્ટિટ્યૂટ, ઉત્તર પૂર્વ, શિલોંગ ખાતે 7500 મુ જન ઔષધિ કેન્દ્ર રાષ્ટ્રને અર્પણ કરશે. access_time 10:40 am IST