Gujarati News

અમદાવાદ, તા.૫ : શહેરમાં એક બાદ એક મહિલાઓ સાથે અઘટિત ઘટનાઓ બની રહી છે. પૂર્વ વિસ્તારમાં એક મહિલા સાથે સંબંધોને લાંછન લગાવતો કિસ્સો સામે આવ્યો છે. પરિણીત મહિલાના સંબંધી યુવક તેના ઘરે આવ્યો અને જમવાનું માંગ્યું હતું. બાદમાં જલ્દી ખાવાનું આપો નહિ તો તને ખાઈ જઈશ તેવું કહેતા મહિલાએ આવી મજાક ન કરવા કહ્યું હતું. બાદમાં યુવકે અચાનક જ મહિલાને બાથ ભફીડી હતી અને ચુંબન કરી આરોપીએ નિર્લજ્જ બની મહિલાની છાતી પર અડપલા કર્યા હતા. તેમજ મહિલાને કહ્યું હતું કે મારે તો આ દૂધ પીવું છે. જોકે મહિલાએ જેમ તેમ પોતાને પકડામાંથી છોડાવી હતી અને ઘર બહાર દોડી ગઈ હતી. જે બાદ સમગ્ર મામલે મહિલાએ પોલીસને જાણ કરતા ગુનો નોંધી તપાસ શરૂ કરવામાં આવી છે.

બનાવની મળતી માહિતી મુજબ અમરાઈવાડી વિસ્તારમાં ૨૨ વર્ષીય પરિણીતા તેના પતિ અને બે વર્ષની દીકરી સાથે રહે છે. પરિણીતાનો પતિ નિકોલમાં મોબાઇલની દુકાન ધરાવી વેપાર કરે છે. પતિ હાલમાં ઉત્તર પ્રદેશ ખાતે વતનમાં ગયો છે. રવિવારે બપોરે પરિણીતા તેના ઘરે એકલી હતી ત્યારે તેના પિતાના મામા દીકરો ઘરે આવ્યો હતો. તેણે પૂછ્યું હતું કે, જમવાનું શું બનાવ્યું છે? એટલે પરિણીતાએ કહ્યું હતું કે, બટાકાનું શાક અને રોટલી બનાવી છે. જેથી યુવકે જલ્દી જમવાનું આપ નહીં તો હું તને ખાઈ જઈશ કહીશ એમ કહી મજાક કરી હતી. જેથી પરિણીતાએ આવી મજાક ન કરવા કહ્યું હતું.

બાદમાં યુવકે પાછળથી હાથ પકડી અને ગાલ પર કિસ કરી હતી. આવી હરકત કરતા યુવકથી દૂર જવા પરિણીતા બહાર નીકળી ગઈ હતી. પરંતુ યુવકે તેનો હાથ પકડી અને જબરજસ્તી પલંગ પર સુવડાવી દીધી હતી. બાદમાં તેની ઉપર સુઈ જઈ અડપલાં કર્યા હતા અને અભદ્ર માંગણી કરી હતી.

આવી ઘટનાથી હેબતાઈને પરિણીતાએ તેને ધક્કો મારીને દૂર કર્યો હતો. પરિણીતાની સંમતિ ન હોય તેવું જણાતા યુવક ત્યાંથી ઘરે જતો રહ્યો હતો.

બાદમાં પરિણીતાએ તેના પરિવારજનો અને પતિને ફોન કરી ઉત્તર પ્રદેશ ખાતે જાણ કરી હતી. પતિએ પોલીસ કંટ્રોલરૂમમાં જાણ કરવાનું કહેતા અમરાઈવાડી પોલીસ આવી પહોંચી હતી અને પરિણીતાએ તેની માતા સાથે પોલીસ સ્ટેશનમાં યુવક સામે ફરિયાદ નોંધાવતા પોલીસે ગુનો નોંધી આરોપીને પકડવા તજવીજ હાથ ધરી છે.