Gujarati News

Gujarati News

સમાચાર ગુજરાતસમાચાર ગુજરાત
News of Friday, 6th December 2019

અસિત વોરાના ઘરની બહાર NSUI કાર્યકરોના દેખાવો

એનએસયુઆઇના કાર્યકરોની અટકાયત કરાઈઃ પરીક્ષા વિવાદમાં એનએસયુઆઇને કોંગીનું સમર્થન મળ્યું

અમદાવાદ, તા.૫: બિન સચિવાલયની પરીક્ષામાં ગેરરીતિને લઇને ગાંધીનગર ખાતે એક તરફ જ્યાં ઉમેદવારો દ્વારા આંદોલન કરવામાં આવી રહ્યું છે, ત્યારે બીજી તરફ એનએસયુઆઇના કાર્યકરો દ્વારા સવારે ગૌણ સેવા પસંદગી મંડળના અધ્યક્ષ અસિત વોરાના મણિનગર સ્થિત ઘરની બહાર હોબાળો મચાવવામાં આવ્યો હતો અને ઉગ્ર દેખાવો કરવામાં આવ્યા હતા. એનએસયુઆઇના કાર્યકરો દ્વારા ઉમેદવારોની પરીક્ષા રદ કરવાની માંગણીમાં સૂર પૂરાવી જોરદાર સૂત્રોચ્ચાર કર્યા હતા. ભારે હોબાળા અને દેખાવો બાદ પોલીસે એનએસયુઆઇના કાર્યકરોની અટકાયત કરી હતી.  બિન સચિવાલયની પરીક્ષામાં ગેરરીતિના વિવાદમાં આજે ગુજરાત ગૌણ સેવા પસંદગી મંડળના અધ્યક્ષ અસિત વોરાના મણિનગર વિસ્તારમાં આવેલા ઘરની બહાર એનએસયુઆઇના સંખ્યાબંધ કાર્યકરો ખૂબ મોટી સંખ્યામાં ઉમટયા હતા. કાર્યકરોએ બિનસચિવાલય કલાર્કની પરીક્ષા રદ કરો, ગેરરીતિ આચરનારા તત્વો સામે આકરા પગલાં લો સહિતના જોરદાર સૂત્રોચ્ચાર કર્યા હતા અને અસિત વોરા હાય હાય ના નારા લગાવ્યા હતા. જેને લઇ સમગ્ર વાતાવરણ ગરમાયુ હતું. એનએસયુઆઇના કાર્યકરોના હોબાળા અને ઉગ્ર દેખાવોને લઇ સમગ્ર વિસ્તારમાં ચકચાર મચી હતી. પરિસ્થિતિ વણસે તે પહેલાં પોલીસે એનએસયુઆઇના કાર્યકરોની અટકાયત કરી તેઓને પોલીસ વાનમાં બેસાડયા હતા અને પોલીસમથકે લઇ જવાયા હતા. બાદમાં તેઓને ઔપચારિકતા પૂર્ણ કરી મુકત કરાઇ હતી.
(10:25 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • શેર બજારમાં મોટો કડાકો :૩૩૪.૪૪ પોઇન્ટ તૂટ્યા : આજે બપોરે શેર બજાર ૪૦૪૪૫.૧૫ એ બંધ થયું. નિફ્ટી પણ ૧૨૦૦૦ના આંકથી નીચે ચાલી ગઈ access_time 3:40 pm IST

  • સોમવારે રાજ્યના મહેસુલ કર્મચારીઓની હડતાલ : પડતર પ્રશ્નનું નિરાકરણ નહિ આવતા મહેસુલ કર્મચારીઓ હડતાલનું શસ્ત્ર ઉગામશે : મહેસુલ સચિવે ઉધ્ધત વર્તન કર્યું હોવાના પણ આક્ષેપ access_time 1:15 am IST

  • યુક્રેનમાં ભયંકર આગ ભભૂકી : એક વિદ્યાર્થીનું મોત : 14 લાપતા : યુક્રેનના રાષ્ટ્રપતિ વ્લાદિમીર જેલ્સકીએ કહ્યું કે યુક્રેનના દક્ષિણી બંદરગાહ શહેર ઓડેસામાં આગ લાગી જેમાં એક છાત્રાનું મોત થયું છે અને અન્ય 14 લાપતા થયા છે access_time 1:25 am IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત