Gujarati News

Gujarati News

News of Thursday, 6th December 2018

વડોદરા કોર્પોરેશનમાં ૨૦૧૬માં ૧૪૩ કલાર્કની ભરતીમાં મોટી ગેરરીતિનો કોંગ્રેસનો આક્ષેપઃ જનરલ બોર્ડમાં મુદ્દો ઉછાવ્યો

વડોદરા: એલઆરડીની પરીક્ષાનું પેપર લીક થયા બાદ સરકારી ભરતીઓમાં થઈ રહેલા આક્ષેપો અટકવાનું નામ નથી લઈ રહ્યા, ત્યારે હવે વડોદરા મ્યુનિસિપલ કોર્પોરેશનમાં ક્લાર્કની ભરતીમાં મોટો કાંડ થયાનો આક્ષેપ થયો છે. 2016માં વડોદરા મ્યુનિ.માં ક્લાર્કની 143 જગ્યાઓ માટે ભરતી આવી હતી. જોકે, નવાઈની વાત છે કે, ભરતીમાં પસંદગી પામેલામાં વડોદરાનું કોઈ નથી.

વીએમસીએ 2016માં એક લેખિત પરીક્ષા યોજીને પાંચ વર્ષના કોન્ટ્રાક્ટ પર જુનિયર ક્લાર્કની ભરતી કરી હતી. પાંચ વર્ષ પૂરા થયા બાદ તમામને કાયમી નિમણૂંક આપવાની હતી. જોકે, 2016માં આવેલી ભરતી પહેલા અને પછી કોઈ વિવાદ નહોતો થયો. પરંતુ કોર્પોરેશનની જનરલ બોર્ડ મિટિંગમાં કોંગ્રેસે મુદ્દો ઉછાળતા કહ્યું હતું કે, 146 જુનિયર ક્લાર્કમાંથી વડોદરાનો એકેય વ્યક્તિ હોય તે કઈ રીતે બની શકે? આક્ષેપ સાંભળી મેયર ડૉ. જિગીશા શેઠ પણ આશ્ચર્યમાં મૂકાઈ ગયાં હતાં.

ભરતીમાં કોઈ ગેરરીતિ થઈ છે કે તેમ તે ચકાસવા માટે વીએમસીએ તપાસ શરુ કરી દીધી છે. લેખિત પરીક્ષા આપવા બેઠેલા ઉમેદવારો અને તેમાં પાસ થનારા લોકોની માહિતી પણ એકઠી કરાઈ રહી છે. મેયરના જણાવ્યા અનુસાર, ભરતીમાં ઉતિર્ણ થયેલા 40 લોકોએ નોકરી શરુ કરતા તેમના બદલે વેઈટિંગ લિસ્ટમાંથી 40 લોકોની પસંદગી કરાઈ હતી.

સત્તાધિકારીઓના જણાવ્યા અનુસાર, ભરતીની સમગ્ર પ્રક્રિયા ગુજરાત ટેક્નોલોજીકલ યુનિ. દ્વારા હાથ ધરાઈ હતી. જોકે, હાલ કોર્પોરેશન સાવધાની સાથે બાબતમાં આગળ વધી રહ્યું છે, કારણકે તે વખતે ભરતી થયેલા મોટાભાગના લોકો બે વર્ષથી નોકરી કરી રહ્યા છે. જ્યારે, બે વર્ષમાં કેટલાક લોકોએ નોકરી છોડી પણ દીધી છે.

પરીક્ષામાં ઉતિર્ણ થયેલા તમામ ઉમેદવારો સૌરાષ્ટ્ર યુનિ.ના વિદ્યાર્થીઓ હતા. કોંગ્રેસે ભરતીમાં ગેરરીતિ થઈ હોવાનો સીધો આક્ષેપ કરી તેના માટે ભાજપને જવાબદાર ઠેરવ્યો છે.

(5:07 pm IST)
  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • કોલકાત્તામાં 7 ડિસે થી ભાજપની રથયાત્રા માટેની માંગણીને હાઇકોર્ટએ ફગાવી : ભાજપ પ્રેસિડન્ટ અમિત શાહના નેતૃત્વ હેઠળ આવતીકાલથી વેસ્ટ બેંગાલમાં આયોજિત કરાયેલી રથયાત્રાને હાઇકોર્ટએ મંજૂરી નહીં આપતા ડિવિઝન કોર્ટના દ્વાર ખખડાવ્યા : જરૂર પડ્યે સુપ્રીમ કોર્ટ સુધી જવાની તૈયારી access_time 6:55 pm IST

  • અગસ્તા વેસ્ટલેન્ડ: અજીત ડોભાલ અને CBIના નવા ચીફ અે આપ્યો ‘‘ઓપરેશન મિશેલ’’ ને અંજામ : CBIના બે અધિકારી રાકેશ અસ્થાના અને આલોક વર્મા વચ્ચે અદાલતી લડાઇ : સીબીઆઇ મિશેલને પટિયાલ હાઉસ કોર્ટમાં રજૂ કરશે : સીબીઆઇ જોઇન્ટ ડાયરેકટ સાંઇ મનોહરનું નેતૃત્વ-ટીમઅે દુબઇમાં રહી મિશન પુરૂ કર્યુ : સુષ્મા સ્વરાજે કૌસુલર પ્રત્યાર્પણ મામલે વાત કરી : સુષ્મા દુબઇમાં છે: ભારત-UAE જોઇન્ટ કમિશનની બેઠકમાં ભાગ લેશે : ૩૬૦૦ કરોડના અગસ્તા વેસ્ટલેન્ડ સોદામાં રાજનીતિક નેતૃત્વ પર સવાલ access_time 12:30 am IST