Gujarati News

અમદાવાદ : મુંબઈના બે સગાભાઈ - બહેનો તથા આણંદના એક મુમુક્ષ સંસાર ત્યાગીને ભકિતના માર્ગે તા.૧૪ના રોજ મંગળ પ્રયાણ કરશે.

આ દિક્ષા સમારોહનું આયોજન શ્રી શ્વેતાંબર મૂર્તિપૂજક સંઘ દ્વારા આણંદના કલ્પના ટોકીઝ પાસે આનંદ મંગલ ધામમાં આ.ભ.તીર્થભદ્ર સૂરીશ્વર મહારાજની નિશ્રામાં યોજાશે. આ અંગે માહીતી આપતા પૂ.કિર્તીરૂપી મહારાજ તથા પૂ.કિર્તી તિલક મહારાજે જણાવેલ કે દિક્ષા સમારોહનો શુભાંરભ શુક્રવાર તા.૮ના રોજ સવારે ૭ વાગ્યે ગુરૂભગવંતોના ભવ્ય સામૈયું વાસુપૂજય સ્વામી દેરાસરથી કરવામાં આવશે.

ત્યાર બાદ સવારે ૯ વાગ્યે આચાર્ય રત્નસુંદર સૂરીશ્વરજી મહારાજનું પ્રવચન તથા સાંજે ભકિત સંગીતનું આયોજન કરવામાં આવ્યું છે. આ જ રીતે તા.૧૪ સુધી અલગ-અલગ ધાર્મીક કાર્યક્રમો યોજાશે.

દિક્ષા મહોત્સવમાં આણંદના કૃણાલ નરેશભાઈ પટવા, મુંબઈના બે સગા ભાઈ-બહેનો યશ વિજયભાઈ કુબડીયા તથા ભકિત વિજયભાઈ કુબડીયા તથા મુંબઈના જ કેવલ દર્શનભાઈ મહેતા સંયમના માર્ગે ચાલી નિકળશે. દિક્ષા મહોત્સવને લઈને શ્રી શ્વેતાંબર મૂર્તિપૂજન જૈન સંઘના પ્રમુખ રમેશભાઈ શાહ, ટ્રસ્ટીઓ હર્ષદભાઈ શાહ, કમલેશભાઈ શાહ તથા મૌલીનભાઈ શાહ જહેમત ઉઠાવી રહ્યા છે.