Gujarati News

Gujarati News

News of Sunday, 6th October 2019

સુરતમાં મોબાઈલ ચોરી ,લૂંટ અને સ્નેચિંગ કરતી ગેંગ ઝડપાઇ : બે સગીર સહીત ત્રણ ઝડપાયા : 57 મોબાઈલ સહિતનો મુદામાલ કબ્જે

આખા રેકેટમાં મુખ્ય માસ્ટર માઈન્ડ મોબાઈલની ખરીદી કરનાર અબુ અમિર છોકરાઓ પાસે ચોરી-લૂંટ કરાવતો હતો

સુરત ક્રાઇમ બ્રાન્ચ પોલીસે મોબાઈલની ચોરી અને સ્નેચિંગ કરતી ગેંગને ઝડપી પાડી છે. બે સગીર સહિત એક શખ્સને પોલીસે ઝડપી પાડી પોલીસે કુલ 57 મોબાઈલ સહિતનો મુદ્દામાલ કબજે કર્યો છે.

સુરત ક્રાઇમ બ્રાન્ચ પોલીસને મોટી સફળતા મળી છે થોડા સમયથી શહેરમાં મોબાઈલની ચોરી અને રસ્તા પરથી મોબાઈલ ઝૂંટવી લેવાની અનેક ફરિયાદો સામે આવી રહી હતી. દરમ્યાન સુરત ક્રાઇમ બ્રાન્ચ પોલીસને એક ગેંગને ઝડપી પડવાની સફળતા હાથ લાગી છે. જેમાં સુરત ક્રાઇમ બ્રાન્ચ પોલીસે બે સગીર સહિત એક શખ્સને ઝડપી પાડ્યો છે. અને તેમની પાસેથી પોલીસે ચોરી અને લૂંટના 57 મોબાઈલ કબજે કર્યા છે.

 સુરત ક્રાઇમ બ્રાન્ચ પોલીસના જાપ્તામાં રહેલો  અબુ અમીર ઉર્ફે લાલા ચોરી કરાયેલા અને લૂંટ કરાયેલા મોબાઈલ ખરીદતો હતો. ત્યારે સુરત ક્રાઇમ બ્રાન્ચ પોલીસને આ અંગેની ચોક્કસ બાતમી માળી હતી. જેને આધારે પોલીસે આ આખા રેકેટને ઝડપી પડ્યું છે. પોલીસે અબુની સાથે બે કિશોર સાગરીતોને પણ ઝડપી પડયા છે. દરમ્યાન તેમની પૂછ પરછમાં જાણવા મળ્યું કે, આ આખા રેકેટમાં મુખ્ય માસ્ટર માઈન્ડ મોબાઈલની ખરીદી કરનાર અબુ અમિર જ છે. અબુ અમીર નવા નવા છોકરા પાસે મોબાઈલની ચોરી અને લૂંટ કરાવતો હતો.

અબુ અમીર લૂંટ કરવા માટે મોટરસાયકલ પણ ભાડેથી આપતો હતો. ઉપરાંત લોકોની નજર ચૂકવી કે ઓટો રિક્ષામાં મુસાફરો સાથે ધક્કામૂકી કરી મોબાઇલની ચોરી પણ તે તેની ગેંગ પાસે કરાવતો અને બાદમાં તેમની પાસેના ચોરી મોબાઈલ તે ખરીદી લેતો હતો. અબુ આ પ્રકારની આઠ જણાની ગેંગ બનાવી મોબાઇલની ચોરી કરાવતો હોવાનું પોલીસ તપાસમાં જાણવા મળ્યું હતું. ત્યારે પોલીસે તેમની પાસથી ચોરી અને લૂંટના કુલ 57 મોબાઈલ અને રોકડ મળી 5 લાખથી વધુનો મુદ્દામાલ કબજે કરી વધુ તપાસ હાથ ધરી છે.

જોકે સુરત ક્રાઇમ પોલીસે પકડેલા ગેંગની સઘન પૂછપરછ કરતા અને ચોરી ઉપરાંત લૂંટ કરાયેલા મોબાઈલની તાપસ કરતા સુરતના જુદા જુદા 12 પોલીસ મથકના 30 જેટલા ગુનાઓની ભેદ ઉકેલાયો હતો. જેમાં કતારગામ 5 ,પુણા 1 , રાંદેર 3 ,વરાછા 1 ,લાલાગેટ 2 ,મહિધરપુરા 6, ઉધના 1, અડાજણ 1, ઉમરા 3, અઠવાલાઇન્સ 3, ચોકબજાર 3, ખટોદરા 1 મળી કુલ 12 પોલીસ મથકના ગુનાઓનો ભેદ ઉકેલાયો છે.

(11:43 pm IST)
  • મોડીરાત્રે રાજકોટના બજરંગવાડી 25 વારિયા પ્લોટ પાસે રાજીવનગર મેઈન રોડ પર રિક્ષામાં અચાનક આગ ભભૂકી : રિક્ષામાં પેટ્રોલ લીક થતું હોવાથી આગ લાગ્યાનું પ્રાથમિક તારણ : આસપાસના રહીશોએ પાણીનો મારો ચલાવ્યો : સદનસીબે કોઈ જાનહાની કે ઇજા નથી access_time 11:29 pm IST

  • છત્તીસગઢમાં કેશવાનમાંથી એક કરોડની લૂંટ :ગ્રામજનોએ ચાર લૂંટારૂઓને ઝડપ્યા : 20 લાખનું બંડલ ગાયબ : છત્તીસગઢના બેમેતારા જિલ્લામાં એટીએમ કેશવાનમાંથી એક કરોડની લૂંટ કરીને ભાગતા ચાર સશસ્ત્ર લૂંટારુઓ ગ્રામજનોની મદદથી પોલીસે ઝડપી લીધા : ધરપકડ બાદ લૂંટારુઓ પાસેથી 80 લાખ જપ્ત કર્યા : તમામ લૂંટારુઓ હરિયાણાના રહેવાસી :કેશવાનમાં પંચર થતા ટાયર બદલાવતા વખતે લૂંટારૃઓએ બંદૂકની અણીએ કેશવાન લૂંટી : ભાગતા લૂંટારુઓના વાહન પર ગ્રામજનોએ પથરાવ કર્યો પણ ભાગવામાં સફળ થયા બાદ ગ્રામજનોએ ઘેરી લીધા અને પોલીસની નાકાબંધીમાં સપડાયા access_time 12:42 am IST

  • સોનાની દાણચોરી માટે યુવાનનો નવતર કીમિયો : કસ્ટમ અધિકારીઓએ કોચ્ચી ઇન્ટરનેશનલ એરપોર્ટ પર એક કિલો સોનાની દાણચોરીના આરોપમાં મલપ્પુરમનો નિવાસી નૌશાદને ઝડપી લીધો : નૌશાદે માથામાં વચ્ચે વાળ મૂંડાવીને સોનાને વિગથી ઢાંકી દીધા હતા: મેટલ ડિટેક્ટની પકડથી બચવા માટે સોનાને પેસ્ટ બનાવી છુપાવ્યું હતું access_time 12:31 am IST