Gujarati News

અમદાવાદ:જીએમડીસી ગ્રાઊન્ડ નજીક મોર્નિંગ વોક કરવા જતા લોકોને ચાકુ બતાવીને મોબાઈલ લુંટી લેતા શખ્સની વસ્ત્રાપુર પોલીસે ધરપકડ કરી છે. અગાઊ વસ્ત્રાપુર પોલીસે તેની ધરપકડ કરીને આ પ્રકારના ૧૦ ગુના ઊકેલ્યા હતા. જોકે દસ દિવસ પહેલા જ જેલમાંથી છુટીને તેણે ત્રણ ગુના આચર્યા હતા.

વસ્ત્રાપુર પોલીસે અગાઊ ધરપકડ કરી દસ ગુના ઉકેલ્યા હતા ઃ જેલમાંથી છુટયા બાદ ત્રણ મોબાઈલ લુંટયા

વસ્ત્રાપુર પોલીસે આ કેસમાં વસ્ત્રાપુર તળાવ નજી રહેતા ભુવન ઘાનક (૨૮) ની ધરપકડ કરી હતી. સાતેક મહિના અગાઊ વસ્ત્રાપુર પોલીસે તેની ધરપકડ કરીને મોબાઈલ લુંટના ૮ ગુના ઊકેલ્યા હતા. બાદમાં તેને પાસા હેઠળ રાજકોટ જેલમાં મોકલી આપવામાં આવ્યો હતો.