Gujarati News

સુરતમાં દારૂની હેરાફેરીનો વિચિત્ર આઈડિયા સામે આવ્યો છે એક વ્યક્તિએ પેન્ટની નીચે પગ પાસે દારૂની બોટલો સેલોટેપથી લગાવી હતી જેની ધરપકડ કરવામાં આવી છે.

   આ અંગે મળતી વિગત મુજબ સુરતમાંથી 93 કોટર દારૂની બોટલો સાથે એક શખ્સની ધરપકડ કરાઈ છે. આ વ્યક્તિએ દારૂની હેરાફેરીના આઈડિયાથી પોલીસ પણ ચોંકી ગઈ હતી. આ વ્યક્તિએ પેન્ટની અંદર પગની પર બોટલો છૂપાવી હતી. કાગળ અને સેલોટેપનો ઉપયોગ કરીને તેણે બોટલોને પગ પર ચોંટાડી દીધી હતી. વરાછા પોલીસે રેલ્વે ગરનાળા પાસેથી આ આરોપીને ઝડપ્યો છે. તે ટ્રેન મારફતે દારૂની હેરાફેરી કરવા સુરત આવ્યો હતો. પણ હેરાફેરી કરે તે પહેલા જ તેની ધરપકડ કરી લીધી હતી.