Gujarati News

સુરત: શહેરના વરાછા વિસ્તારમાં રહેતી યુવતીને લગ્નની લાલચ આપી છેલ્લા સાડા ત્રણ માસથી બે સંતાનના પિતા એવા પ્રેમીએ અવારનવાર શરીર સંબંધ બાંધી તે પળોના ફોટા પાડયા હતા તેમજ વિડીયો પણ ઉતાર્યો હતો. બાદમાં તેના બે મિત્રોએ એક ફાર્મ હાઉસમાં લઇ જઈ છેડતી કરી યુવતીને ફોટા-વિડીયો વાયરલ કરવાની તેમજ તેના ભાઈને મારી નાખવાની ધમકી આપી હતી. 

લગ્નની લાલચ આપી ભગાડી ગયા બાદ પરિણીત પ્રેમીએ તરછોડી દેતા છેવટે યુવતીએ ગત સોમવારે પ્રેમી અને તેના બે મિત્રો વિરુદ્ધ દુષ્કર્મ અને છેડતીની ફરિયાદ નોંધાવતા પોલીસે તપાસ હાથ ધરી હતી. વરાછા પોલીસે ગતરોજ પ્રેમીની ધરપકડ કરી હતી.

પોલીસ સૂત્રો દ્વારા પ્રાપ્ત થતી વિગતો મુજબ સુરતના વરાછા વિસ્તારમાં રહેતી અને સાડી ઉપર લેસપટ્ટી લગાવવાનું કામ કરતી 26 વર્ષીય યુવતી પ્રિયા ( નામ બદલ્યું છે ) ને તેને કામ માટે સાડી આપવા આવતા અને બે સંતાનના પિતા સાગર વેલજીભાઇ ગજેરા ( રહે.અમૃતકુંજ એપાર્ટમેન્ટ, ખોલવડ ગામ, તા.કામરેજ, જી.સુરત ) સાથે પ્રેમ સંબંધ બંધાયો હતો.