Gujarati News

સુરતના લિંબાયત વિસ્તારમાં આવેલા મન્સુરી હોલ નજીક ટ્રેનના ડબ્બા પર ચડી સેલ્ફી લેતાં સમીર અબ્દુલ સલામ મન્સૂરી ( ઉ . વ .15) અને નઇમ શેખ રફીક ( ઉ . વ .15) બંન્ને મીઠી ખાડી , લાલ બિલ્ડીંગ ખાતે રહે છે . સોમવારે બંન્ને યુવકો લિંબાયતમાં ટ્રેનના ડબ્બા પર ચડીને સેલ્ફી લેતાં હતા

   આ દરમિયાન હાઇટેન્શન લાઇને બંન્ને અડી જતાં વીજ કરંટ લાગતા ગંભીર રીતે દાઝી ગયા હતા . આ ઘટના બાદ ત્યાં હાજર લોકોના ટોળાં એક્ઠા થઇ ગયા હતા , અને તાત્કાલિક 108 ની મદદથી બંન્ન ેને સિવિલ હોસ્પિટલમાં દાખલ કરાયા હતા .

  મોહમંદ અબ્દુલ સલામ મન્સુરીના જણાવ્યાં અનુસાર 10-1 2 જેટલા મિત્રો રેલવે યાર્ડમાં ક્રિકેટ રમવા ગયા હતા . ત્યારબાદ સમીર ટ્રેનના ડબ્બા પર ચડીને સેલ્ફી લઇ ટિકટોક પર વીડિયો બનાવવા જતા હાઇટેન્શન લાઇનને અડી ગયો હતો . જેથી સાથી મિત્ર નઇમ તેને છોડાવવા જતાં તે પણ દાઝી ગયો હતો . હાલ સમીરની તબિયત નાજુક છે . બંન્ને આગામી ધો .10 ના બોર્ડના વિદ્યાર્થીઓ હતા .